Abuso di mucha ta un di e temanan cu constantemente a bin dilanti den e ultimo añanan, segun parlamentario di fracicon di AVP, Desiree de Sousa-Croes. For di comienso cu el a bin bek for di Hulanda, a sinta den Parlamento hunto cu e presidente anterior di Staten, caminda tabata tin un comision extraordinario riba e tema aki y a sinta cu tur esnan cu tin di haber cu e tema aki. A bin tambe berdad cu mocionnan dilanti, a scucha tur hende, pero e tema ta sigui. E ta sigui y cada biaha a ripara cu berdad e hendenan ta bira mas conciente y mas di e storianan aki ta bin dilanti. Locual ta hopi tristo mes, ta cu den e ultimo luna y algo, dos biaha pastoornan di iglesia ta wordo haya cometiendo e delito aki. Dos biaha den un tempo cortico esaki ta pasa. Nan ta pastoornan di Iglesianan Cristian. Nan ta inocente te ora cu wordo proba cu nan ta culpabel. Tin cu agrega cu den e prome caso casi no por conclui otro cu e persona ta culpabel di loke ta acus’e di dje. Den e di dos caso, tin di compronde cu no ta e abuso cu a tuma luga, pero si un “aanranding”, unda cu el a mishi si cu mucha cual tambe ta prohibi pa nos leynan. Pero tin cu laga e investigacion tuma su luga, pero ta bisa cu scuchando e grabacion haci door di e mucha y mas hende cu a scuch’e, entre otro un psicologo, cu e tin e impresion tambe cu e mucha ta papia berdad manera cu el a bay. Croes ta kere cu un mucha di e edad eynan ta papia e berdad, ta papia e cosnan manera cu nan a pasa y esey ta entristece Croes masha hopi mes. Muchanan no mester pasa den e tipo di e cosnan aki. Como hende grandi, nos tey pa proteha nan, no pa haci tipo di e cosnan aki cu nan.
Pesey Croes ta kere cu mester keda duna atencion na e tema aki y ta spera cu locual cu a pasa un biaha mas, cu porfin lo por haya di Ministerio Publico un splicacion con anto nan castigonan ta wordo duna, segun de Sousa-Croes.