TOKIO, Japon- Charles Jenkins a crusa e frontera na 1965 pa Evita di wordo manda pa Vietnam y el a pasa 39 aña siñando Ingles na e companianan di inteligencia y hungando rol di villano Mericano den peliculanan di propaganda.
E tabata casa cu un Japones, kende a wordo secuestra pa e regimen.
Segun e corant Asahi Shimbun, yiu di e Jenkins a hay’e benta abao p’afo di su cas dialuna y a yama e servicionan di emergencia.
El a wordo traslada pa hospital den e ciudad di Sado, unda cu el a muri door di complicacionnan cardiaco.
E militar a deserta durante un anochi di buracheria na 1965 unda cu el a logra crusa e frontera y drenta Noord- Korea, pensando cu Noord- Korea lo lag’e bay.
Su casa, Hitomi a haya permiso pa bolbe Japon na 2002 y Jenkins por a reuni cun’e y nan dos yiunan, cu a nace na Noord- Korea. Despues gobierno Japones a dun’e residencia permanente y desde e tempo ey, e famia a instala nan mes den e ciudad natal di Hitomoi, Sado, un isla den e lama di Japon.
Su casa a bisa den un comunicado publica pa e gobierno local diamars cu e tabata hopi sorprendi pa e morto di su pareha y cu ainda e no por a “verwerk esaki”.
Jenkins a ricibi un condena simbolico di 30 dia di prizon pa un corte marcial Mericano.
Fuente: https://www.afp.com/