Sra. Jane Jansen, Rechter in Opleiding in Belastingszaken na Aruba, ta traha na Corte di Aruba riba e parti di casonan di belasting a splica con nan a bay despues cu nan a cuminsa na 2015 cu esaki na Aruba.
Desde cu a introduci e tres instancia, ora cu a introduci un Gerecht Eerste Aanleg y un Hoger Beroep. Desde 2016 ta posibel pa bay den Cassatie contra di decision di Hoger Beroep. Dus si bo no ta di acuerdo cu e Inspecteur, bo ta bay Corte, si bo haya un afwijzing bo por bay den Hoger Beroep y teoreticamente bo por bay den Cassatie.
Loke ta pasando aworaki, segun Sra. Jansen, belastingdienst pa casonan di fiscale strafrecht, esey ta si bo haci strafbaar feit fiscal, e ora Ministerio Publico por bay Corte pa esey, cual tabata existi caba. Esey ta mas activo aworaki, cu ta haya mas casonan di boet cu ta bin, cu ta casonan mas tanto di un hende cu a haya un aangiftebiltjet y no ta yena esakinan pa un paar di aña, e ora OM ta bisa cu ta bay hues cu esey tambe. Esey no tabata algo structural cu tabata sosode den pasado.
Den casonan normal, si tin 600 caso di belasting, cu ta casonan normal cu ta haya. Na Aruba tin 9 ley di belasting. A base di ley bo ta haya un cobransa. Si bo no ta di acuerdo cu bo cobransa, bo ta bay bek na Inspecteur, e ta wak’e y e ta dicidi cu e cobransa ta keda. Ta contra e decision ey mas tanto, cu 95% di casonan asina ta bin dilanti hues. Tambe e pagamento di belasting.
Sra. Jansen a sigui splica cu a bin un crecemento door di e cambionan cu tabata tin, e tempo prome cu 2015 tabata un pa dos biaha pa aña cu ta trata e casonan. Aworaki ta cada 6 siman tin casonan di belasting ta bin dilanti. Hues por tuma un decision riba e caso hopi mas lihe. Kisas door di esey e casonan a subi. Antes tabata tin Raad van Beroep Belastingzaken, cual te eynan e caso tabata dilanti.
Algo cu ta interesante pa sa, ta cu na Aruba ora cu a bin e sistema nobo di Belasting, cu a introduci e instancianan, e bestuur di Hof, a dicidi pa haci Aruba e centrum di Belastingzaken. Na Aruba tur e casonan di belasting di tur e islanan, excluyendo casonan di belasting cu ta trata strafbare feiten fiscal. E islanan ta haya nan caso di belasting, ta hayanan digital, nan ta wordo adminstra y tambe e apoyo huridico tambe ta na Aruba situa. Aworaki e unico hues fiscal cu tin aworaki, ta mr. de Wert, kende tambe su standplaats ta Aruba, segun Sra. Jane Jansen, a splica.