E patronchinan di soño iregular, mescos cu insomnio cronico of ocasional, tin origennan multiple.
Entre su principal desencadenantenan nos ta haya:
Stress
Ansiedad
Un dieet deficiente
Nos orarionan di trabao
Algun malestar
Medicamentonan determina
Si nos problema na ora di haya un descanso profundo y reparador ta afecta nos calidad di bida, prome cos cu nos itn cu haci ta acudi na un specialista.
Awo bon, den nos bida diario semper ta di ayudo e otro metodonan complementario, e remedinan bieu di welita y e medicina natural ey cu, uza cu acierto y sabiduria, hopi biaha ta hopi adecua.
Awe, den nos espacio di salud, nos ta proponebo lo siguiente: cuminsa tuma tur anochi un infusion di cane y bacoba, net un ora prome cu bo bay drumi.
Despues, solamente bo tin cu paga tur bo aparatonan electronico (celular, computer, television) pa lesa un buki y laga e soño brasabo, atrapabo den e descanso cu bo merece.
Bo ta anima na descubri e remedi fabuloso aki?
Bacoba y cane pa bo drumi miho
Bacoba ta un di e frutanan di mas completo, nutritivo y beneficioso pa nos organismo.
Awo ta bon, tin hende cu ta prefera di evit’e y reduci su consumo pasobra e ta pensa cu e ta demasiado calorico.
E ta un eror. Bacoba no ta gorda. Es mas, e por ta un aliado pa e perdida di peso, pasobra e ta saciante, e ta relaha, e ta reduci ansiedad y ta faborece un descanso profundo y reparador.
Lo ideal ta pa busca bacobanan cu no ta mucho hecho. E ora ey, ta loke nos ta beneficia di su contenido den awa, vitamina, mineral y fibra y di su indice glucemico abao.
Awo, si nos inclui un bacoba den e infusion aki pa prome cu bay drumi, ta pa un rason hopi concreto: yuda nos libera serotonina, un neurotransmisor cu ta calma ansiedad, ta relaha nos y ta yuda nos combati insomnio.
Algo cu nos no por lubida ta cu bacoba ta contene un nivel hopi halto di potasio y magnesio den su casca, hopi mas cu den su propio fruta.
Nos no mester bent’e afo. Es mas, den nos infusion e ta imprescindibel.
Cane, e specerij di salud y bienestar
Cane ta un fabuloso tonico calmante. Solamente cu su fragancia nos ta drenta den un estado di relahacion y di bienestar hopi reconfortante.
Si nos tuma e remedi fabuloso aki durante 10 dia sigui, nos organismo lo habitua poco poco, na su beneficionan pa concilia un descanso mas profundo.
Cane ta yuda nos ekilibra e nivelnan di sucu den sanger.
Ora cu e nivelnan di sucu den sanger ta den ekilibrio, nos hormoonnan ta funciona di un modo mas harmonico, mas balancea y preciso pa facilita nos un descanso optimo.
Otro aspecto interesante di e infusio aki ta cu e lo bay mehora e digestion di nos cena.
Un digestion adecuado nocturno ta facilita cu nos curpa ta ehecuta su tareanan di depuracion di forma mas adecua.
Ta eynan e higra y e sistema linfatico ta actua como mediador di e deintoxicacion aki y e purificacion di nos organismo.
Por ultimo y no menos interesante, a caba di destaca cu e infusion aki a base di bacoba y cane ta permiti nos relaha e musculonan y e posibel sobrecarganan asocia cu stress.
E bebiba aki ta reduci e presencia di cortisol den sanger pa facilita un descanso adecua.
E ta fabuloso.
Con pa prepara mi remedi pa combati insomnio
Ingredientenan
Un bacoba di cultivo organico
½ telep di cane (2,5g)
1 liter di awa
Preparacion
E ta hopi facil pa prepara. Prome cos cu nos tin cu haci ta haya bacoba di cultivo organico. E rason? Nos ta bay uza su casca y nos mester pa su cultivo a tuma luga liber di pesticida.
Una bes cu nos a scoge nos bacoba, nos ta corta e puntanan di dje y nos ta hink’e den un wega cu e liter di awa y nos ta bay keint’e.
Añadi e telep di cane y lag’e fusiona.
E mester ta herbi durante por lo menos 20 minuut. Ora cu e tempo aki pasa, lag’e reposa por lo menos un otro 10 minuut.
Siguiente paso? Ya nos tin’e casi cla, solamente nos mester basha e awa den un botter y sirbi nos mes un kopi.
Si bo mester pa e infusion aki ta mas dushi, solamente bo tin cu agrega un tiki honing. No pone sucu sino e remedi aki contra insomnio lo perde su efecto.
Con mi mester bebe e remedi aki?
Bebe cada anochi un ora prome cu drumi. Corda cu e por tarda algun dia den nota su efectonan. Mester tene pasenshi!
Fuente: Mejor con salud