Ginger ta un mata di e famia di zingiberaceo di cual e por probecha rais.
E rizoma of wortelstok, ta e parti subteraneo cu tur e resto di e raisnan.
Botanicamente e ta conoci como Zingiber Officinale, cu ta nifica “forma di cacho.”
E ta destaca pa tun un aroma intenso y un sabor un tiki picante.
Hopi aña pasa ginger tabata un mata cu practicamente tabata imposibel pa haya. Sin embargo awendia e ta un di e sunnan mas uza y receta pa remedinan casero di tur tipo.
El a bira ocnoci danki na medicina tradicional Chines y actualmente por hay’e den cualkier supermercado of mercado comun.
Entre otro multiple beneficio, Ginger ta destaca pa tin ta bon pa stimula e funcionamento di e pancreas y di e sistema digestivo.
Tambe ta util na ora di trata enfermedadnan respiratorio manera tosamento of griep en general y como calmante pa alivia e dolor corporal.
Di e mesun forma, su gran aporte di vitaminanan C y B6 y mineral, entre cual ta destaca potasium, ta haci’e bon pa diferente patologia. Ademas e tin propiedadnan antioxidante.
Con bo por uza ginger?
Ginger por wordo probecha den preparacionnan varia, manera ta e caso di salada, sauce y recetanan en general.
Tambe por wordo emplea den juice, infusion, dessert, stropinan natural of directamente fresco.
Tambe, tin hopi producto cosmetico cu ta uz’e como ingrediente principal.
Ta den e casi di shampoo, azeta y cremanan corporal cual funcion principal ta evita of reduci imperfeccionnan manera celulitis.
E unico contraindicacion cu ta existi cu respecto e uzo di ginger ta cu e ta eleva e temperatura corporal di e curpa.
Asina ta, no ta recomendabel den e siguiente casonan:
Personanan cu ta presenta un cuadro febril.
Muhenan na estado.
Mucha.
Personanan cu tn problemanan di tension arterial y ta mantene tratamento cu aspirina (ua cu e ta potencia e efectonan).
Con pa prepara awa di ginger?
Ingrediente
4 cup di awa (1 liter)
4 cuchara di ginger corta chikito of na wiel (40g)
Preparacion
Keinta e awa y ora cu e yega na herbe, agrega e ginger.
Nos ta lage pa e realisa e herbemento durante 10 minuut y posteriormente, pa e reposa otro 15 minuut.
Una bes e tempo pasa, nos por bebe cayente of friu.
Si bo ta desea, tambe bo por haci’e dushi cu un tiki honing of sucu artificial.
E awa di ginger por wordo compaña cu infinidad di ingrediente, sin embargo, e cardamon, cane y lamunchi ta ingredientenan mas uza pa compaña e infusion aki.
A continuacion nos lo bisabo di e 5 miho beneficionan cu tin ora di bebe awa di ginger pa bo salud.
1. E ta yuda acelera bo metabolismo
Ginger ta destaca pa su propiedadnan termogenico.
Pesey e ta excelente pa acelera e metabolismo y ta yuda na reduci vet den personanan obeso.
Ta recomenda su consumo pa esnan cu kier baha di peso of combati obesidad.
2. Ta mehora bo digestion
E mata aki ta conta cu nivelnan halto di fibra, pesey e ta faborece y optimalisa e movimientonan intestinal.
Tambe e ta mehora e absorcion di e nutrientenan cu mas nos tin mester pa nos curpa, alabes cu ta permiti nos elimina tur e toxinanan cu no ta necesario y cu ta causa hinchamento y malestarnan gastrointestinal.
3. Excelente antioxidante
Manera cu ya nos a indica na comienso, ginger ta conoci pa ta un excelente fuente di vitamina y mineral.
Danki na su propiedadnan antioxidante e ta excelente pa e salud cardiovascular.
E ta preveni e endurecimento y estrechamento di e arterianan, di cual ta faborece e fluho di sanger.
Riba e tereno estetico ta uz’e pa elimina caspa, hidrata y evita e sekedad di cabey, mescos pa evita su caida y faborece su crecemento.
4. E ta mantene stabil e nivelnan di colesterol.
Ta wordo bisa cu e awa di ginger ta yuda e curpa regula nivelnan serico di colesterol malo (LDL).
Manera cu ya nos a indica, algun nivel eleva di colesterol LDL den sanger por haci cu e arterianan por obstrui y deriva den problemanan cardiovascular.
5. E ta un excelente antiinflamatorio
Danki na su propiedadnan, e awa di ginger por yuda nos desinflama y elimina e dolor di cierto zonanan di e curpa, di cual e por ta hopi adecua den caso di;
Dolor articular
Dolor muscular
Reumatismo
Artritis
Fuente: https://mejorconsalud.com