Central di Polis ta dirigi un patruya pa un adres na Pos Chikito, pa un caso di menasa contra doño di cas. Na nan yegada agentenan ta papia cu e doño di e cas, e cabayero H., di 71 aña. E ta declara na polis cu e alarma di e bisiñanan a activa y su cacho tambe a cuminsa blaf, pa cual el a dicidi di bay tira un bista p’afo pa wak kico ta pasando. E ora el a wak dos homber desconoci ta cana den cura di su bisiña. El a lusa ariba nan, y a declara cu un di nan ta color cla pero no ta corda nada mas di e persona aki. E otro tabata color skur, cu dreadlocks largo, mas o menos 1.83 m di haltura, sin barba y mas o menos 20 pa 30 aña. El a puntra nan kico nan ta haciendo den cura di e bisiña y e ora nan a bula den su cura y a menasa e cabayero H, cu’n cuchiu.
El a pasa man cu’n piedra, pero e dos hombernan a cana bay zuid. El a sinti su mes menasa pa cual el a entrega denuncia. Agentenan policial a contra e cas di bisiña unda cu nan a constata desconocinan a forsa e bentana di camber banda p’ariba, pa asina forsa nan entrada den e cas. Probablemente nan lo a spanta door di e alarma cu a activa. E cabayero H. lo avisa e bisiñanan pa nan asina nan entrega denuncia. Agentenan a pone Central di Polis na altura pa despues sigui ariba nan patruya.