Dia 5 di April Central di Polis ta manda un patruya pa Amistad pa un caso di ladronicia. Na nan yegada nan ta combersa cu e habitante di dicho adres, cu ta declara cu el a bay trabao pa mas o menos 8 or di mainta y el a cera su cas na yabi y a lag’e intacto. E ta sigui bisa cu pa mas o menos 12 or y 30, ora el a bay cas bek, e ta constata cu e porta di su cas, parti patras a wordo forza y no tabata cera. E cambernan, e sala y e cushina tabata tur reboltea. Banda di e porta for di unda e ladronnan a drenta, tabata tin dos television. Den e hardin ainda tabata tin cierto partinan di e televisionnan benta. E doño a bay na e bisiña pa check den e camera y a wak dos desconoci sali for di e porta di e entrada di e adres na Amistad. Posiblemente e dos personanan aki lo a forsa e porta patras y a bay cu varios articulo.