Durante un asistencia na Palm Beach, patruya ta wordo dirigi pa Coconut Inn na Noord pa un caso di ladronicia di un bicicleta. Despues di a caba cu nan prome asistencia, e patruya ta dirigi su mes pa Coconut Inn.
Patruya ta yega na e sitio pa 8 or y 40 di mainta, pero no ta haya ningun hende na balie. Despues di un rato, e asistente di balie ta atende e agentenan.
E asistente di balie ta declara na polis cu un di su huurdonan a meld ladronicia di su bicicleta. Pero e huurdo a bisa e asistente cu e mes lo pasa na warda di polis na Shaba pa entrega denuncia. Polisnan a bay na e camber di e denunciante, pero sin resultado pa cual e agentenan ta dirigi nan mes un biaha mas pa e balie. E asistente ta purba haya contacto cu e denunciante, pero sin resultado, polisnan a pidi e asistente di balie pa yama polis un biaha mas si acaso cu e denunciante regresa.
Mas laat Centrale Post ta manda un patruya pa Coconut Inn pa un caso di ladronica. Na e sitio polisnan ta papia cu e huurdo di e appartment yama O. Garcia, cu a declara cu dia 25 di April pa mas o menos 11 or di anochi, tabata e ultimo biaha cu Garcia a wak e dos bicicletanan. Dia 26 di April, pa mas o menos 4 or di marduga, Garcia a ripara cu e dos bicicletanan no tabata tey mas. Desconocinan a bay cu e dos bicicletanan.