Diamars 14 di Maart, pa 4 or y 10 di marduga, Central di Polis ta haya un melding di un caso di joyriding. Na nan yegada nan ta combersa cu e cabayero F, kende ta declara cu el a staciona su auto den garashi. F. ta sigui bisa cu e motor di auto y e lus tabata cendi pa motibo pa e haya claridad pa coy e meterstand di awa, ora cu diripiente un hoben a subi den e auto. E hoben aki a reverse cu velocidad halto pa despues core bay den direccion pariba. Ta trata aki di un Chevrolet S-10, cu nummerplaat TX-85. Tanto riba e dak di e auto como riba e dashboard tabata tin e borchi di Taxi. Den e auto e cabayero F. tabata tin 130 dollar Mericano, un celular color roos di marca Nokia, un rijbewijs di Aruba, un AZV kaart, un wandelstok, dos cuminda, un refresco yabi di cas y algun documento importante. E hoben en cuestion tabata di color cla, bisti camisa hoki hoki color cora/bruin, di entre 30 cu 40 aña y cu tabata parce dr. John Croes masha hopi mes. F. a entrega keho di joyriding.