Diadomingo, 24 di juni, directiva di Centro di Bario Playa Pabao ta organisa e fiesta di dera gai den su Centro. E actividad aki ta cuminsa merdia pa 2’or cu un torneo di domino y benta di cuminda. E actividad ta termina anochi pa 11’or. Ya tin algun siman directiva ta preparando pa e actividad aki y tin diferente grupo cu a confirma nan participacion e.o. Kids 2 Kids dancers, Candy Dancers, Kids and Youth y Accion, Grupo di San Juan di Imelda Kleuterschool y y Anglo Kleuterschool y naturalmente e Grupo Folclore di Santa Cruz bou di direccion di sra Lia Lopez. E musica ta den man di Rincon Boyzzz. Bar y cushina ta bon sorti y no ta cobra entrada. Directiva di
Centro di Bario Playa ta desea e pueblo di Aruba un dushi dia San Juan y ta invitanan pa participa activamente den e celebracion aki. Laganan nos proteha nos fiesta cultural di San Juan pasobra si nos mes no hasiele niun hende lo hasiele pa nos.
Directiva di Centro di Bario Playa Pabao tambe ta hasi un suplica pa no kima mondi y asina
destruyendo nos naturalesa. Pues diadomingo 24 di juni nos ta topa na Centro di Bario Playa Pabao pa celelebra e fiesta di Dera Gai.