Pronostico di tempo pa awe anochi: levemente te parcialmente nubla y generalmente seco
Den marduga y diabierna: levemente te parcialmente nubla cu localmente un awasero breve.
Temperatura maximo 32 grado Celsius y temperatura minimo 26 grado Celsius.
Solo lo baha awe nochi 07:09 pm y lo sali mañan mainta 06:19 am.
Biento: modera te basta fuerte for di generalmente direccion oost; forsa 4 te 5 (20 te 39 km/ora, 11 te 21 nudo). Den dia fuerte te duro den rafaga; forsa 6 te 7 (40 te 61 km/ora, 22 te 33 nudo)
Situacion general di tempo:
Den proximo 24 ora no ta spera cambionan significante den e weer cu tin actualmente. Temporalmente por tin un aumento di nubia cu localmente por produci un awasero pasahero. mas aleu por bisa cu stof fini den aire lo stroba visibilidad un poco den proximo dianan.
Condicion di lama:
Olanan di lama lo ta for di direccion oost cu haltura di 5 te localmente 8 pia cu e olanan di mas halto na costanan oost, noordoost te noordwest di e isla.
Fenomenonan special: ningun
Tempo tropical significante: un area di presion abou situa mas o menos mei mei di Africa y e islanan mas oost di area di Caribe a desaroya y bira depresion tropical nr.2. Den curso di awe merdia e sistema aki a sigui desaroya y bira tormenta tropical Beryl.
Beryl tabata ubica na 2080 km oost-zuidoost di e islanan mas oost di Caribe y ta moviendo
west cu 26 km/ora. E sistema aki ta te ainda solamente un menasa pa nabegacion maritimo.
Un area di presion abou, algun cien kilometer west- zuidwest di Bermuda, tin un chens medio pa sigui desaroya y bira un ciclon tropical den proximo 48 ora mientras e ta move noord pa noordwest riba awanan di Oceano Atlantico.
Potencial di awasero pa proximo 24 ora: 1 mm; localmente por varia
Registracion di temperatura (Celsius) y awasero (mm) den ultimo 24 ora:
Airport max 31 / min 26 / 0.4
Pronostico di tempo pa proximo fin di siman:
Parcialmente nubla cu localmente un awasero. Biento lo ta for di direccion oost y modera te basta fuerte; den dia fuerte te duro den rafaga;
temperatura max / min lo ta: 33/27