Ta di lamenta cu e compania di Canada ta saca mas di 10 miyon for di Aruba y casi nada ta bay pa deporte na Aruba segun minister Dangui Oduber ta splica.
Tur entrada cu genera pa Lotto pa Deporte, segun e minsiter. Den e ultimo simannan e minister a pidi hopi documentacion di parti Lotto pa Deporte. Nan a pidi e statutonan, nan a pidi e jaarrekening, cualnan a haya te cu 2012. Nan ta sperando ariba e otro jaarrekening. Tambe nan a pidi copia di e contract cu Canadian Bank Note, ya cu e contract aki a wordo firma pa ex minsiter Richard Visser, na 2011. Esaki a wordo contract pa un termino di 15 aña. Normalmente ta cera un contract pa 1 te cu 5 aña, pero esun di 15 aki ta mara e siguiente 4 gobiernonan, na e contract.
Ora di wak e reparticion di e contract aki, e ta stipula di tur entrada cu Lotto pa Deporte ta genera, 50% ta bay pa premio, 8.25% ta bay pa tecnical service, 15.25% ta bay pa e operation game cual Lotto a financia bek e debe cu tabata tin. Y loke subsidie commisie ta haya pa entrega na federacionnan ta di 0.05%. Pa informa comunidad y splicando pakico deporte merece di haya mas placa, na 2016 Lotto a genera 45 miyon florin. Mitar di esaki a bay pa premio, e resto di e 22.5% ta bay na premio. Canadian Bank Note ta keda cu 26%. ORa papia di suma di placa, Lotto Pa Deporte a genera 45 miyon. Subsidie comissie a haya 2.4 miyon florin. Y Canadian Bank Note cu ta maneha Lotto pa Deporte, ta keda cu 10 miyon florin. Ora di haci e balansa, ora cu ta entrega tur e fondonan pa un compania maneha, kico un deporte ta haya bek, e balansa ta completamente for di balans.
Lotto ta haya 4 miyon y Canadian Bank Note ta haya 10 miyon. A busca conseho huridico, kico ta e posibilidadnan pa sea, renegocia e contract pa deporte haya mas placa. Esey ta e meta di e minsiterio di deporte, ta pa deportistanan haya mas entrada di placa di Lotto pa Deporte. No por ta asina cu tin un compania cu ta maneha Lotto pa Deporte, cu nan ta strika placa riba custia di e deportistanan y deportistanan mester bende rifa ariba caya, para den solo, haci diferente fundraising y tin un fundacion cu ta genera asina hopi placa.
Ta door di esey a busca conseho huridico pa sea renegocia of kibr e contract aki, y ta wardando ariba esaki pa wak kico ta e siguiente stapnan cu ta bay tuma. Pa loke ta e miembronan di directiva di Lotto pa Deporte, tambe Fundacion Facilidadnan Deportivo y tambe Subsidie Commissie, a manda un carta pa cada un di e miembronan, pa pidinan pa sede nan asiento mirando cu tin un gobierno nobo, cu ta desea di traha cu nan mesun hendenan. Pero e director di Lotto pa Deporte, y miembronan di directiva a actua di mala fe, ya cu nan a cambia e statuut un dia prome cu eleccion, dia 21 di September y dia 19 di October a ratifica esaki den Conseho di Minister.
E fecha di 19 di October tabata tin un formacion di gobierno tumando luga, y e director, si e tabata tin deseo di cambia e statuutnan, lo tabata mas diligente pa warda resultado di eleccion, sinta cu e gobierno nobo, splica kico ta e intencion tras di e cambio di statuut. Pero no bira cambia statuut prome cu eleccion y despues ratifica esaki den un Conseho di Minister.