Deporte escolar di Ibisa ta den full swing

0

Durante un conferencia di prensa yama pa Ibisa, Sr. Willem Erasmus a splica riba e school sport cu a cuminsa for di siman pasa y kico tur lo bay bini den e dianan aki nos dilanti.

iBISA ta presentando un conferencia tocante e deporte escolar. E torneo a cuminsa do siman pasa, pero despues a bin vakantie y e siman aki ta sigui cu trefbal. Tin algun sport nobo cu a bin acerca, cual ta dammen. Esun mas gusta ta Aquathlon y e 1,2,3 Kilometer. E aña aki no ta diferente, IBisa ta bolbe bin cu nan schoolsport y ta encurasha mayornan cu ta interesa pa nan yiunan participa den esaki, acerca e scolnan y busca e informacion necesario ariba esaki.

Sr. Kenneth Carty, sportscoordinator di Ibisa y el a splica cu e meta principal di schoolsport ta pa e muchanan practica deporte. Nan tin esaki dividi den dos grupo, A y B. Grupo A ta muchanan di 1e klas te cu 3e klas y grupo B ta muchanan di 4e te cu 6e klas. Trefbal di mucha muhe tabata un toernooi hopi interesante y e muchanan a gosa un mundo di esaki.

Campeon di trefbal tabata Prinses Amalia Basischool, Maria School na di dos luga, Colegio Laura Wernet Paskel na di 3 luga y na di cuater luga tabata Scol Basico Washington. Meta principal ta pa tin muchanan ta practica un deporte. Manera tur aña tin biaha nan ta pone un deporte of kita un otro, depende con e ta. E facilidadnan cu Ibisa ta uzando ta Centro Deportivo Betico Croes y pa futbol cu Britannia. E dos localidadnan ta wordo uza pa tur cos ta central pa tur hende por yega mas lihe y tambe ora cu e wega caba, por sali mas facil di eynan tambe.

Deporte escolar a crece ya cu basta scol ta participando. Pa loke ta grupo di mucha muhe, ya caba Ibisa tin mas di 20 scol cu ta bay participa. Futbol tambe ta haya bon acogida, como mescos cu Basket. Tur deporte ta balansa ya cu tur mucha tin nan preferencia, pero pa Ibisa e ta basta bon nivela. Deporte escolar a wordo lansa pa tur mucha di tur scol por topa otro.

E weekend di 20 pa 22 di October, e Challenge pa Challege ta tumando luga. Ibisa tambe ta organisando dos evento pa cu e muchanan di scol. E tin di haber cu sport tambe. Lo tin e evento di Duathlon, y mescos cu categoria di deporte escolar, e ta dividi entre e edadnan. Tur e informacionnan aki ta obtenibel riba Ibisa su pagina di Facebook of por pasa na Ibisa. Prijs pa inscripcion ta 20 florin.