Diaranson atardi tanto departamento di DOW y Cuerpo di Bombero a presenta na ex La Bodega cu ta situa na Wilhelminastraat unda e edificio ta den mal condicion. Simannan tras di lomba a sucede un accidente caminda un muyara basta diki a sak y cay riba un persona lagando e seriamente herida. Pa e doño di e edificio mantene esaki den secrecia a hiba e victima pa haya atencion medico y a keda manda bek pa Venezuela pa atencion medico y keda ey bou.
Den e edificio aki ta geschot basta cuarto unda tin varios persona Venezolano ta kedando aden. Un di esnan cu ta biba aden a duna di conoce cu ta alrededor di 500 florin nan ta keda cobra. Polis tambe a keda notifica pa presenta, y a tuma e desicion hunto cu e DOW y Bombero mester evacua tur hende cu ta den e luga debi cu e piso ariba ta tur na scheur y un dia pa otro ta bay cay den otro y por bira un desaster.
A cera e luga cu lint pa asina ningun hende drenta y notifica e doño cu e tin cu cera e luga cu plywood. Tres persona cu tabata den e luga a keda saca cu ayudo di personal di slachtofferhulp unda lo a busca un otro luga pa e hendenan keda, y lo controla nan documento si nan ta legal na Aruba.