Dokter Wilmer Salazar di Departamento di Salud Publico a splica cu haciendo e campaña aki, ta importante pa yuda nos hendenan combati e griep cu tin riba nos isla. Awor aki lo bay intensifica e proteccion cu durante hopi tempo nos mester tene riba Aruba pa e malesa di influenza. No ta tur griep ta influenza. Pero na Aruba, casi mescos cu rond mundo 80% di causa di griep ta debi na Influenza. Tin dos tipo di influenza. Tipo A y B. Awor aki tipo A tin varios subtipo. H1N1, cu anteriormente ta conoci como swineflue, a bira un seasonal flue. Den e aña aki su comportacion a bira tiki mas severo cu consecuencia cu na Europa, Merca, Latino America y Caribe, su efecto tabata asina malo cu hendenan a muri di dje.
Aruba no a scapa. Durante luna di April y Mei a presenta un brote di influenza tipo A H1N1 na unda cantidad di hende, mas of menos 800, tabata asina malo y mayoria di nan mester a keda hospitalisa pa haya tratamento y di cual 8 di nan a muri.
6 di nan tabata tin 1 factor di riesgo, entre otro diabetes. Un di nan ta un baby bao di 1 aña di edad y e otro tabata un adulto entre 30 pa 35 aña, sin condicion previo. Osea cu aparentemente tabata sano. E cantidad di hende cu a bira malo, lo por evita solamente atrabes di un vacuna. Un vacuna cu ta protehabo durante aña y no lo bay experencia e parti di malesa, cu no solamente ta pa salud, pero pa e parti economico, e parti di famia, entre otro. Cu e campaña ta yama atencion pa comunidad henter, pa esnan cu ta sinti cu tin factor di riesgo, manera un mucha bao di 2 aña di edad, hendenan cu ta sufri di malesanan cronico di curason, di pulmon, di malesanan di cancer, inclusive hende na estado. Hendenan di ki edad cu ta ora di na estado, pa por haya vacuna.
Baby cu nace tin 4 luna di proteccion di e vacuna aki. Dr. Salazar ta splica mas dicon e vacuna aki ta importante. Esaki ta pa evita cu haya influenza cu por bira grave, te hasta fatal. Hendenan cu tin malesanan infeccioso manera por ehempel, HIV, cu ta causa un caida di su sistema inmuun, tambe por haya proteccion di vacuna. E vacuna ta hopi sigur. E no tin mucho efecto, solamente un tiki dolor ora di prik, pero e resto e consecuencia no ta asina. Hopi hende of hopi asociacion ta bisa cu ta causa autismo. Dr. Salazar ta bisa enfaticamente, cu e no ta causa autismo. Algun otro hende ta bisa cu e ta causa problemanan neurologico manera Guillian Bare. Normalmente den un poblacion, entre 6 mil y 200 mil habitante, ta aparece un caso di Guillian Bare. Den caso di vacuna, hende cu a wordo vacuna, uno, den un miyon lo por presenta. E hende cu haya esaki, lo gana un Lotto. Di berdad tin cierto condicionnan pa evita vacuna.
Un persona cu tin su sistema imuun hopi abao, pasobra e ta tumando imuno terapia of tin un cancer avansa, si e no por haya vacuna, no ta contra indicacion. Mas tanto pasobra e no lo bay produci suficiente anticurpa pa por defende su mes. Por uza otro strategia. Vacuna e hende cu ta rond di dje, pa evita of tene un efecto di escudo y evita cu e malesa por drenta den e persona aki. Pa finalisa, dr. Salazar a gradici sr. Ronald Geerman, di departamento di Malesanan Contagioso, cu a traha hopi. El a hinca su esfuerso pa pone un plan y un strategia manera debe ser, pa e campaña di vacuna.