Departamento di Impuesto a lansa un ‘online payment system’

0

Departamento di Impuesto, pa varios luna caba ta colabora cu tur e banconan na Aruba, pa mehora e sistema di e clientenan via e sistema online.
Segun directora di Departamento di Impuesto, Sra. mr. Luenne Gomez-Pieters, semper e clientenan por haci uzo di online payments. Solamente e parti cu e cliente tabata mira tabata un caminda cu nan por a yega nan descripcion di pago y tambe e suma cu nan ta paga, sin cu lo por a duna otro informacionnan adicional tocante di e pago. Esaki a bin ta remarca na tur cinco banco na Aruba, caminda cu pa Departamento di Impuesto cu tin cu ‘verwerk’ e pagonan, , lo duna un alivio tremendo pa asina ey por duna un miho servicio tambe na e clientenan cu ta paga.
Departamento di Impuesto a sinta na mesa y despues a yega na diferente gruponan di trabao y a bin delinea conhuntamente cu Aruba Bank, kico ta bira e rekisitonan y con lo kier mira esaki den futuro. Awe a lansa e ‘online payment system’ caminda cu e clientenan lo haya un ‘dropdown’ di tur e impuestonan cu lo por paga via e sistema online di banco, lo por pone un persoonsnummer, un betalingskenmerk. Naturalmente e suma cu ta wordo paga, caminda cu un tiki mas specifico e cliente por haci un transferencia di pago via e sistema online.
Mas aleu, Sra. mr. Luenne Gomes- Pieters, directora di Departamento di Impuesto a bisa di ta contento cu e logro aki. Esaki tambe ta algo cu nan a bin ta reconoce door cu clientenan a duna feedback na cuminsamento di aña. Por corda cu tabata tin e deadline di pago pa impuesto di vehiculo di motor, caminda cu a sosode cu tabata tin rijnan basta largo di hende cu a paga online y despues a dura hopi largo pa nan por a haya nan sticker. Debidamente sistemanan cu no tabata comunica cu otro of procesonan cu no tabata delinea di e manera cu por a duna un servicio hopi mas lihe. A tuma e critica aki na serio y a bay di biaha man na obra pa por a duna un miho servicio na e clientenan. Esaki ta e prome banco cu a keda cla. Ta sumamente contento cu e colaboracion di e dos ekiponan, di parti di departamento di impuesto y tambe di Aruba Bank. Ta trabaonan duro cu tin tras di lomba, pero sigur lo beneficia e clientenan cu ta haci pago di impuesto via e portal online y despues den futuro caminda cu por reduci e rijnan y reduci tambe e tempo di espera pa nan por haya nan sticker of nan comprobante di pago.
E terminologia, esaki a keda mescos. Ta keda uza e mesun terminologia cu e cliente ta custuma cun’e. Ora cu un persona drenta den e sistema, e ta mira DIMP, y e impuesto cu e cliente kier paga. Loke DIMP kier stimula, ta e pagamento online. Pero cliente no ta obliga di haci su pago online. Tin grupo di cliente, ta custuma di paga cash, pero tambe tin un cliente cu ta busca e manera mas facil pa paga nan impuesto. DIMP kier duna un experiencia di cliente, na e nivel di cu e cliente ta verwacht. E idea ta pa traha cu tur e otro banconan tambe.
Darryl Farro, Business Information Manager, na Departamento di Impuesto a splica ariba e proceso cu lo cana. Unabes cu paga p.e. Motorrijtuigbelasting, tin algun area specifico cu lo mester yena. P.e. yena e Persoonsnummer, Periodo, y tambe yena full e Nrplaat. Tur e areanan ta rekeri. Esaki mester wordo yena y ta zorg pa no tin eror ora DIMP ta ricibi’e. Lo no bay tin eror ora di ricibi e bankstatement. Si tin eror, e ta duna ‘eror’. Mientras cu ideal lo tabata cu e sistema ta opera den real time, esta manera cu bo transferi e placa e ta yega riba e cuenta di departamento di impuesto, e ta un adelanto grandi. Mester tene na cuenta si, cu unabes cu un persona uza e servicio, e ta dura un pa dos dia di tempo pa e departamento por registra e pago, y ta dura algun dia mas prome cu e persona por ricibi su comprobante di pago, y of p.e. sticker di number di auto den e caso specifico ey.

LEAVE A REPLY

Please enter your comment!
Please enter your name here