E tema di CAft a ser papia den reunion di IPKO caminda cu e no a funciona manera mester ta pa Aruba.
Parlamentarionan di Aruba a toca e tema di CAft cu cierto politico y instancianan na Hulanda. Un cos cu ta bin dilanti sigur, CAFt no a funciona, manera e mester ta. Tin caminda cu si el a duna señal, pero nan mes a laga ministerraad toch dicidi. Nan por a dicidi otro.
Kico ta e punto? E punto ta cu Aruba a haya un CAft, cualt a contra statuut y contra staatsregeling, ya cu parlamento a lag’e pasa na 2015. El a bin pa un periodo defini, pa tres aña. Si a sigui e indicacionnan, despues di 3 aña Aruba lo ta bek ariba su pianan. Pero luga Aruba a bay bek ariba su pianan, el a bay mas aleu. Tempo cu gobierno a bin cu KB, cu nan a bin cu e CAft, a base di e protocol y e ley di Laft, e tabata na 70% loke ta e debe nacional di e GDP.
Ora cu Caft a bin, den tres aña e mester a bin bek na 45%. Pero el a yega casi 90% bou supervision di Caft. Y e no a funciona y esey ta un hecho. SI Caft manera cu e ta, e ta adecuado. Nan por lok uit cierto otro cosnan.
Tur loke a pasa cu pais Aruba, ta door di mal maneho di gobierno. Di un of otro manera, placa mester drenta, pero esaki no por bay a base di nos pueblo. Parlamento t’ey pa corigi y nan ta representante di pueblo y ora di haci algo, esaki mester wordo hustifica. Pero den e caso aki no por hustifica pa sacrifica un pueblo, di algo cu Caft mes tabata parti di dje.
CAft mester compronde cu lo mester cuminsa poco poco. Si bo ta responsabel, bo tin cu actua. Pero bo no por bay over the edge, no por haci di mas. Pero awo kier sacrifica e pueblo, style di tur cos of nada. Mester tene cuenta cu e circumstancia cu ta bibando aden. Mester haci algo, pero no por haci di mas.
Sr. Ady Thijsen a sigui bisa, cu loke Hulanda ta haciendo ta cu nan mes ta purba di pone presion cu no ta hustifica. E direccion cu nan kier bay, si ta esey nan kier, e no ta hustifica. Pasobra cu tin cu puntra bo mes, dicon nos a yega eynan. Y esey ta e problema. Cierto cosnan por wordo haci, pero semper teniendo cuenta cu e bienestar di e pueblo aki. No por laga pueblo paga pa tur cos.
Ta bon pa tin supervision, pa tin control. Si tin un gobierno cu ta traha bon, bo tin un bon maneho financiero, bo no mester tin miedo di nada.
Pero parlamento ta bay bin cu’n begrotingskamer, nos mes hendenan ta controla. Pero esey ta e punto cu nan no kier, nan kier keda existi. Y esey tambe ta un dilema cu tin awo. Esey ta e parti unda cu tin e problema. Mester puntra di Caft tin derecho di existencia.
Caft kier pusha gobierno, cada rato tin un menasa di aanwijzing. Pero con Caft por duna un aanwijzing, si nan mes tabata complice di tur esaki? Parlamento ta representa e pueblo y nan ta dicidi kico ta hustifica y kico no ta hustifica. E mester keda den e “kader van rechtvaardigheid”.
Caft tin e link cu Koninkrijksministerraad. Pero ta yega momento pa yega na un forma, normanan nobo, segun Sr. Ady Thijsen. Parlamento por bin cu’n protocol nobo, un ley nobo. Pero mester keda husto cu e pueblo.