Casi mil miyon di persona rond mundo ainda ta huma tur dia, aunke tabata tin un gran descenso den tabakismo a lo largo di e ultimo decadas, investigadornan ta afirma.
“Algun esfuerso robusto di control di tabaco a bay tras di avance den e reduccion di e habito letal di tabakismo den gran parti di mundo, pero por haci hopi mas, e autor principal di e estudio nobo, Emmanuela Gakidou, profesor di salud global den e Instituto di Medidanan y Evaluacion di Salud di e Universidad di Washington na Seattle, a afirma.
Tabakismo a reduci den un 28 porciento entre e hombernan y den un 34 porciento entre muhenan di 1990 pa 2015, e estudio a mustra.
Pero e cantidad di persona cu ta uza cigaria, ciga, pipa y otro productonan di tabaco pa hua cada dia na 2015 tabata di 933 miyon, e estudio a haya.
“E crecemento den e cantidad riba su mes, di humadonan diario ta sigui superando e declive global den e tasanan di tabakismo diario, loke ta indica e necesidad di preveni cu mas persona ta cuminsa cu e habito di tabaco y di anima e humadonan na bandon’e,” Gakidou a bisa den un comunicado di prensa di e Instituto.
E estudio a haya cu e tres paisnan unda cu mas homber ta huma diariamente, ta China (254 miyon), India (91 miyon) y Indonesia (50 miyon).
E tres paisnan unda cu muhenan mas ta huma diariamente ta Merca (17 miyon), China 14 miyon y India (13.5 miyon).
Diestrespais tabata tin declivenan anual significativo den tabakismo entre 1990 y 2015, entre nan Merca, Australia y Brasil. Tambe tabata tin declive importante entre 2005 y 2015 den 18 pais, manera Chile, Nepal y Ucrania.
Tabakismo ta e di dos causa principal di morto rond mundo. El a splica mas di 11 porciento (6.4) miyon di tur morto na 2015, e estudio a haya. Mas di mita di e mortonan aki relaciona cu humamento a sosode den solamente cuater pais: China, India, Rusia y Merca.
Matthew Myers, presidente di Campaign for Tobacco-Free Kids, a bisa cu “cu un compromiso sosteni cu e implementacion di medidanan comproba pa reduci e uzo di tabaco, Gobiernonan por yuda na reduci un epidemia global cu,m segun prediccionnan, lo caba cu bida di mil miyones di persona e siglo aki.”
E hayasgonan di e estudio ta aparece den e edicion di dia 5 di April di e revista The Lancet.
Health Day