Como un departamento cu ta resulta bou di Ministerio di Asuntonan Social y labor DPL ta bay participa den e proyecto di ban Cultiva anto cu esaki tin un oportunidad como dienst pa purba di yega na e clientenan unda cu kisas tin hende cu pa un of otro motibo no a registra pero cu mester e ayudo. Sr. Richenel Stamper ta splica como vocero di DPL.
Den e tipo di proyecto aki DPL tin e oportunidad di bay na tur e barionan cu un booth di informacion pa esunnan cu ta en busca di trabou. Aki nan lo tuma e datonan basico di esunnan cu ainda no ta registra cerca nan. DPL lo tuma contacto cu esunnan cu a registra pa un entrevista di trabou.
Cu esaki e participacion ta dirigi na e buscadonan di trabou pero tambe kier acerca e dunado di trabou cu tambe ta bishita e evento den famia. DPL por fungi como intermediario y por facilita un lista di e funcionnan habri como tambe e lista di vacaturanan disponibel .
DPL ta activo riba rednan social media, unda cu por consulta tur e informacion cu nan ta ofrece como dienst, cual ta publica ariba nan pagina di Facebook. Esaki ta bayendo den un forma hopi dinamico y ta varia tur siman tambe. Y asina DPL ta keda presente ta keda invita comunidad bay asisti na e evento aki cu ta bay ta hopi educativo, informativo y saludabel unda ta bay tin DPL y Enseñanza pa empleo pa upgrade nos propio hende local.