Diahuebs ultimo campeonato Liga Especial a continua riba veld di Flatstone. Selecion di Aruba den pleno preparacion a enfrenta Spuiters reforsa cu pitchernan internacional. Un tremendo duelo di pitcheo unda Jesus Leal Becerra por mira atras riba un tremendo partido lansando un partido di 16 strike outs y ta perde 2-1 den ultimo inning. Jesus Leal ta permiti 2 careda limpi, tirando 33 bola y 69 strike pa un total di 102 lansamento regalando 3 base por bola permitiendo 4 hit. Di otrobanda Eudomar Toyo ta tira 4 inning y 6 strike outs, Jair Thompson ta releve tirando 2 inning 12 bola y 21 strike mientras Giancarlo Gomez ta drenta den di 7 inning y ta seya e victoria riba su nomber. Selecion Aruba 2 careda, 4 hit, 0 error. Spuiters 1 careda, 3 hit, 0 error. Mihor bateadornan pa Selecion Aruba ta Lennin Ashby y Jair Thompson ambos di 2-1, Djurwin Croes 3-1. Pa Spuiters a luci den caha di bateo Gerald Tromp, Angelo Arnold di 3-1 y Mario Kock 2-1. Liga Especial riba un nivel perculiar unda nos atletanan tanto di selecion cu lo ta representando Aruba den luna di Juni na Monteria Colombia pero tambe atletanan di equiponan local ta ricibiendo un oportunidad unico pa topa pitchernan internacional y asina custumbra di mira lansamentonan cu normalmente nan no sa mira. Dialuna awor lo bay tin 4 wega na veldnan na Pos Chiquito cuminsando pa 7 or y 15pm riba veld 1 Seleccion Aruba lo hunga un double header contra Macuarima Indians y riba Veld 2 mesun momento Piratas lo enfrenta Balashi Premuim. Softball den pleno desaroyo.