Den 2017 APA a ricibi 352 barco crucero cu 700 mil turista crucero

0

Aruba Ports Authority tabata tin un 2017 exitoso pa cual nan ta masha agradecido na tur nan partnernan cu a contribui pa yega na surpasa e cantidad di bishitantenan crucero ricibi en comparacion cu 2016 y añanan anterior.
Na final di 2017 e total di turistanan crucero cu Aruba a ricibi tabata 792.403 abordo di 352 barco cu a yega waf di Aruba. Esaki ta un 17% mas cu e cifra di 2016 cual tabata 656.043. Por mira tambe cu e cantidad di barconan cu a yega Aruba den 2017 a crece un poco mas compara cu 2016 ora cu a ricibi 307 barco. Maske tin cu remarca cu barconan ta birando hopi mas grandi cu antes pero cu hopi mas turista crucero abordo.
Na luna di december APA hunto cu su partnernan a celebra e hecho cu a ricibi e di 700 mil turista crucero, cual ta prome biaha cu ta logra e hecho aki. Manera indica lo sigui traha pa mantene e “milestone” aki den 2018 tambe.
Den luna di December cinco (5) barco di RoyalCaribbean a yega haf di Aruba treciendo mas cu 16 mil turista den un solo luna. E siguiente partner importante tabata e barco nan Princes Cruises cu un poco mas di 10 mil turista y Celebrity cu rond di 9 mil, pa loke ta luna di December. Y sin lubida riba Carnival Cruises cu durante henter e aña a bini cu casi 50 barco crucero.
E luna cu mas turista crucero e barconan a trece den haf di Aruba tabata November, ora cu a ricibi 104.242 bishitante. E otro luna mas druk tabata Maart cu 99.769 bishitante crucero abordo di e 41 barconan crucero cu a yega Aruba.
Aña 2018
E proyeccionnan pa 2018 ta mustra cu e esfuersonan hacidoordi APA, ATA, Ministerio di Turismo y demas partnernan lo sigui duna resultado, cu aumento den e cantidad di bishitantenan cu lo yega den e 332 barconan cu lo mara den haf di Aruba. y surpasando un bes mas e cantidad di 700.000 turista crucero.
Gerencia di APA ta hopi entusiasma cu resultado di e esfuersonan grandi cu a bin ta wordo haci pa atrae mas turista crucero pa Aruba. Den cuadro di esaki ta trahando duro pa finalisa cu e proyecto di embeyecimento di e cara di Aruba, cu ta e haf crucero na Playa.

Comments

comments