Durante su rekisitorio fiscal a repasa loke a pasa dia 6 di April ora cu Gershwin Marquita a keda asesina. Esaki a tuma luga dia 6 di April 2011. Valentina tabata den auto di Raymond riba Rooseveltweg bayendo direccion di Sta. Maria. Un dadomomento Marquita a pasa Raymond riba caminda y a haci un U-turn y a bay core den banda di auto di Raymond. Tabata e momento ey cu Valentina, sinta banda di Raymond a saca un arma automatico y a yena Marquita cu bala.

Segun investigacion na e sitio Polisnan a haya 23 huls cu a sali for di arma automatico. Di e cantidad 8 pa 10 bala a keda aya den auto di Raymond. Marquita a fayece a base di sangramento.

Fiscal a bisa cu henter e tiramento tabatin di haber cu un pleitamento entre Marquita y paulina pa un mucha muhe.

Raymond a bisa hues cu e no tabata sa cu Valentina tabatin arma di candela. E la mira cu tas pero no tabata sa kico tabatin den e tas. Mas a leu Raymond a indica cu e la cay den shock y no por a reacciona riba Valentina.

Fiscal a bisa Raymond cu e no ta kere su historia cu e no ta sa cu Valentina tabatin un arma di candela hunto cune. Pasobra ruman homber di Paulina a indica cu ora Raymond ta den problema e ta busca Valentina manera un tipo di bodyguard. Raymond ta sa bon bon cu Valentina tabatin un arma di candela.

Abase di combersacion cu a tap dje acusadornan a logra di detene Paulina dia 16 April di 2011 y dia 30 Mei Valentina. Ora a detene Paulina e la nenga cu e tabatin confrontacion of problema cu Gershwin, despues a bisa cu henteria dia e tabata na cas. Ora a confronta cu echonan e la cambia su declaracion indicanto cu e no tabata sa cu Valentina tabatin coy tira e no a mira e cos tabata scondi den tas etc.

Pa fiscal deliberadamente a planea pa tira Marquita, Fiscal a mustra carta di tata di Marquita cu ta conta dje dolor cu e tin di a perde su yiu stima. E perdida lo keda un sicatris pa semper den su curacao. Mientras e mama den sala di corte a conta cu e ta bou di tratamento di psikiatra, no por bay les di pitamento mas a bira pashent di sucu abase di e asesinato di su yiu homber.
Fiscal a tene cuenta cu tur circustancia y a pidi corte pa condena e acusado na 14 aña y tambe pa detene mesora den sala di corte. Raymond ta den libertad e momento aki. Hues a indica cu aki dos siman lo dicta sentencia y no a ordena detencion di Raymond mesora den sala di Cote.