HONOLULU, Hawaii- E aerolínea Delta ta na beurt pa ta den centro di atencion despues di a wordo expulsa di un vuelo un famia completo. Esaki pa motibo cu nan a wordo nenga di duna e stoel cu tabata designa pa un di nan yiunan.
Segun declaracionnan di e mayornan, Brian y Brittany Schear, nan a wordo obliga di baha ora cu nan tabata biniendo bek di Hawaii, y ademas nan a wordo priminti un restitucion, pero ironicamente nan a wordo menasa di wordo encarcela.
Un video publica ariba YouTube ta mustra e momento unda cu un homber ta purba splica cu e kier pa su yiu menor di edad sinta riba e stoel cu originalmente a wordo cumpra pa su yiu di 18 aña, cu a regresa riba un vuelo anterior.
Sin embargo, e peticion a wordo nenga bou di e argumento di cu un di nan politicanan ta cu niun hende por ocupa e asiento registra na un otro persona.
“Abo y bo famia lo bay cera, e ta un delito federal”, nan a bis’e.
Fuente: SDP Noticias