Delegacion Sub- 20 di Venezuela ricibi como heroenan

0

CARACAS, Venezuela- Cubri cu e camiseta di “vinotinto” y cu e bandera tricolor ta zwaai, miles di Venezolano, sumamente orguyoso a ricibi diamars e seleccion di futbol supcampeon Mundial sub- 20, cual a tuma luga na Korea del Sur.

E oncena “vinotinto” diadomingo no por a supera Inglatera y a cay venci 1-0 den e final. Un final cu Venezuela ta yega pa prome biaha den su historia.

Sin embargo, e derota no por a tapa nan gran desempeño y miles di siguidonan di tur edad tabata spera e hungadonan na e principal aeropuerto di e pais cu pancartanan manera “Bon bini guereronan vinotinto. Danki pa a pone nos soña”.

Despues di a pasa den un gang yena di fantatico, un banda marcial y algun autoridad, e hungadonan a subi un autobus pa nan bay, den caravana, rumbo pa e stadion principal di Caracas, unda cu nan a ricibi un homenahe.

Den e stadion, yena na su capacidad maximo, cada un di e hungadonan a wordo ricibi cu un gran aplauso. Despues e multitud a canta “We are the Champions”, di e banda Queen, mientras cu e seleccion a dal un rond olimpico den e stadion.

E problemanan politico cu ta sacudi Venezuela for di April, a contagia e evento deportivo ora cu e entrenador di e seleccion, Rafael Dudamel a sali bay ariba e veld.

A pesar di tur cos, e vinotinto a logra algo poco comun, durante e ultimo temponan, cual ta di uni, al menos pa un rato, tanto opositor como oficialistanan cu, na mes tempo, a manda mensahe di aliento celebrando cu nan “campeonnan”.

Fuente: www.lta.reuters.com

LEAVE A REPLY

Please enter your comment!
Please enter your name here