Riba invitacion di e federacion di pesas di Corsou, Aruba Amateur Weightlifting Association a ricibi un invitacion pa participa na un torneo internacional di pesas yama “Lifting in Paradise” Curacao 2016. E dianan di competancia lo ta di 8 pa 12 di December y lo conta cu participacion di paisnan manera Ecuador, Republica Dominicana, Venezuela, Corsou y nos propio atletanan di Aruba mes. Algun siman atras un delegacion di nos hermana isla di Corsou tabata na Aruba unda a competi den e campeonato nacional di Aruba unda nan a sobresali cu varios medaya. Esaki sigur ta un bon momento pa un intercambio den e deporte di pesas pa asina atleta y coachnan di ambos pais conoce e calidadnan di otro como tambe traha pa un posibel plan con pa hisa di nivel di pesas di ambos pais. Remarcabel ta cu 33 aña pasa Aruba a competi pa ultimo biaha den e competencia aki na Corsou. Mester bisa cu e competencia lo wordo tenis den e sala di recreacion di International School of Curacao. E atletanan cu lo representa Aruba lo ta ..
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atletanan di pesas pa asina nan por competi den e torneo internacional di pesas yama “Lifting in Paradise” Curacao 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.