Delegacion di Kendo lo competi den Campeonato Latino Americano di Kendo

0

E dianan 9 pa 12 di november proximo lo tuma luga e di 6 edicion di e campeonato Latino Americano de Kendo, celebra e biaha aki na e ciudad Corrientes, Argentina. Mester bisa cu varios pais a confirma nan participacion manera Venezuela, Uruguay, Trinidad and Tobago, Peru, Panama, Uruguay, Rep. Dominicana, Honduras, Guatemala, Mexico, Costa Rica, Cuba, Ecuador, El Salvador, Bolivia, Brasil, Chile, Colombia, Aruba y Argentina. Na banda di esaki lo tin algun sensei renombra di Merca, Canada y Brasil invita. Aruba su delegacion cu porcierto a prepara nan mes debidamente pa e campeonato Latino Americano aki ta consisti di Pim Willems, 2-dan, categoria Masculino Individual, Angela Lie-A-Lien, 3-dan, categoria Femenino Individual, Saskia Kole, 3-dan, categoria Femenino Individual, Danbi Velásquez, Junior Individual y Sergio Velásquez, 7-dan, arbitro y lider di delegacion.
Kendo ta un arte marcial Japones cu ta bini di Kenjutsu unda nan ta uza e Shinai di bamboe y un casco pa proteha yama Bogu. Awendia Kendo ta super popular rond mundo principalmente na e pais di origen Japon. Kendo ta un actividad cu ta combina practica y valornan di arte marcial cu un actvidad fisico extenso y deportivo. Den e ultimo añanan na Aruba e deporte di arte martial aki a bira popular unda chikito y grandi ta praktica esaki cu e organisacion di Bun Bu Itchi – Kendo Aruba bou maneho di Sergio Velasquez.

Un danki sigur na Lotto, e Loteria di Aruba pa medio di Comision di Subsidio cu a yuda subisdia e biahe di e delegacion di kendo pa e campeonato Latino Americano de Kendo na Corrientes, Argentina.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

LEAVE A REPLY

Please enter your comment!
Please enter your name here