Den e weekend tras di lomba un delegacion den e deporte di Dammen a bishita nos hermana isla di Corsow, unda e torneo ABC Tournament 2017 den e deporte di dammen a tuma luga. E aña aki ta toca turno na e isla di Corsou pa organisa e torneo di Dam ABC 2018 mirando cu aña pasa esaki tabata na Boneiro. Mester bisa cu Aruba manera semper tabata bon representa un bes na e torneo aki. E biaha aki e team di Aruba a consisti di 6 participante mas un coach.
Nos delegacion a competi na e torneo aki cu 4 hungador adulto y un hungador hubenil, pues a agrega e biaha aki un hoben na e ekipo di Aruba. Mester bisa cu Aruba ta consisti di e hungadonan Aruba 1: Juan E. Nisbet — Rolin Croes, Aruba 2: Delbert Alexander — Annelaine Jacobs. Coach: Ricardo R Wever y Hoben: Patrick Williams
For di diabierna caba lo inicia cu e prome ronda mientras cu diadomingo e ronda final lo tuma luga y lo clausura e torneo cu e entrega di premio. Den e torneo aki Aruba lo tin 2 ekipo, mientras cu Corsou y Boneiro tambe lo wordo representa pa dos ekipo. Den total Aruba lo hunga 4 wega tanto contra Corsou y Boneiro. Como ekipo, Aruba a logra un di tres lugar den e torneo di ABC Tournament, mientras e hoben Patrick Williams a sa na conkista un di tres lugar. Ta bon pa menciona cu desde aña 2005 e tres islanan ta organisando e ABC Tournament den dammen.
Stichting Sportsubsidie Aruba a subsidia e biahe di e delegacion di dammen pa e torneo ABC 2018 na Corsou.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.