Dialuna, 11 di Maart , landadornan Ginayla Arends, Rebecca Maduro, Ally Ponson, Gaby Ponson, Mikel Schreuders y Tyreke Wernet hunto cu nan Head Coach di seleccion Arubano. Sr. Ismael Santiesteban, hefe di delegacion, Sra Ludmilla Maduro, physiotherapista, Sra. Monica Schreuders, y chaperone Sr. Victor Maduro, a subi avion rumbo pa Valparaiso, Chile pa participa na e Campeonato Sudamericano Juvenil di Natacion.  Diamars, desde Miami, Daniella van den Berg y Jordy Groters a sali pa uni cu e grupo na Chile.  Cuminsando diahuebs, pa 4 dia largo, nos landadornan lo lucha den pisina contra e mihor landadornan den nan categoría di Sur America, pa por logra yega posicionnan di honor. Den categoría 13-14 anja femenino, Aruba ta representa  pa  Ginayla Y Rebecca. Ambos lo competi den  50m, 100m, 200m y 400m Vrijeslag.  Mikel (100 y 200 schoolslag, 200 y 400 wisselslag) y Tyreke (100 vlinderslag, 50 y 100 vrijeslag) ta e representantenan masculino pa Aruba den e mesun categoría.  Pa loke ta trate  e categoría 15-17 anja, Ally (50, 100, 200 y 400 vrijeslag),  Gaby (50, 100 y 200 vrijeslag), y Daniella (400 y 800 vrijeslag) lo hasi tur lo posibel pa domina e eventonan vrijeslag y pone nomber di Aruba entre e posicionnan di honor. Por ultimo, Jordy lo representa Aruba den 100 y 200 schoolslag y 100 vrijeslag. Arubaanse Zwembond ta desea su atletanan hopi éxito na Chile.  E delegación Arubano lo regresa Aruba dialuna dia 18 di Maart.