E dianan 19 pa 21 di Mei binidero lo tuma luga na nos hermana isla di Boneiro, e torneo ABC Tournament 2017 den e deporte di dammen. E aña aki ta toca turno na e isla di Bonaire pa organisa e torneo di Dam ABC 2017. Mester bisa cu Aruba manera semper lo ta bon representa un bes na e torneo aki. E biaha aki e team di Aruba ta consisti di 5 participante masun coach. Lo competi na e torneo cu 4 hungador adulto y un hungado hubenil,pues a agrega e biaha aki un hoben na e ekipo di Aruba. Mester bisa cu Aruba ta consisti di e hungadonan Aruba1: Juan Nisbet — Henry Knepa; Aruba 2: Delbert Alexander — Rolin Croes, Hoben: Angel Luis Reinoso Suarez y Coach: Denis (Chester) Berkel
For di diabierna caba lo inicia cu e prome ronda mientras cu diadomingo e ronda final lo tuma luga y lo clausura e torneo cu e entrega di premio. Den e torneo aki Aruba lo tin 2 ekipo, mientras cu Corsou y Boneiro tambe lo wordo representa pa dos ekipo. Den total Aruba lo hunga 4 wega tanto contra Corsou y Boneiro. Ta bon pa menciona cu desde aña 2005 e tres islanan ta organisando e ABC Tournament den dammen.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di dammen pa e ABC Tournament na Boneiro.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.