Durante e reunionnan di IPKO na Corsou, delegacion di Aruba a haya oportunidad pa a haci un bishita di orientacion di e waf di Corsou, caminda nan a haya un recorido y nan tin hopi planes pa haci esaki mas atractivo y tambe pa mehora e calidad di e waf. Nan a trece padilanti cu tin cooperacion cu Aruba, al respecto. Dus cu e proyecto di waf, e containerhaven, tin bon cooperacion entre e dos islanan. Presidente di Parlamento, Drs. Mervin Wyatt- Ras ta amplia mas.
Tambe nan a haya un presentacion di un proyecto di un cunucu grandi na Oostpunt, e ta un semi- groen gebied. Nan kier desaroya esaki pero tin hopi disputa ariba esaki. Coleganan a haya un recorido di trabao eynan. Durante nan estadia na Corsou, durante e reunionnan di IPKO, miembronan di delegacion di Aruba a bishita e proyecto di hospital nobo di Corsou, cu actualmente ta trahando ariba dje.
Nan a haya un splicacion amplio ariba esaki. Lo bay tin 300 cama unda 4 hende lo por drumi den un camber. E ta un proyecto manera di Aruba, caminda cu e calidad tambe ta halto. Presidente di Parlamento, Drs. Mervin Wyatt- Ras ta splica cu nan a keda hopi positivo di e proyecto aki. Mester coopera hunto, ya cu Aruba tambe ta trahando nan hospital nobo. Nan ta bay tin mester di cierto experticio. Ya caba pashentnan di St. Maarten y Bonaire ya ta biniendo Aruba of Corsou pa tratamento. Dus esey ta e parti unda lo ta desea cu e Ministernan encarga cu salud traha hunto. Pa asina nan coopera mas cu otro.
Presidente di Parlamento a sigui splica cu IMSAN tambe ta bezig ta desaroyando, pa loke ta trata oncologia, unda lo bay develop esaki hunto cu Baptist Health, conhuntamente cu Corsou yega na un acuerdo pa cierto casonan di cancer wordo trata aki na Aruba y otro nan aya na Corsou.
Sra. Mervin Wyatt- Ras a trece dilanti unda den un reunion cu comision di turismo, ATA tambe a indica cu lo mester bay wak posibilidadnan pa traha riba e “medisch toerisme”, den cooperacion cu Reino. Pashentnan cu no ta wordo trata na Corsou, por bin aki y ta haya nan tratamento. Y otro nan cu Aruba no por atende, por bay Corsou e ora.
Ampliando mas riba e reunion di IPKO, Sra. Mervin Wyatt- Ras, a splica tambe cu hopi biaha politiconan Hulandes y partnernan den Reino, hopi biaha ta reuni cu otro sin conoce otro. Hopi biaha “onbekend, maakt onbemind”. Esey pa Mervin ta su punto di salida.
Ta mas facil pa bin cu mocionnan contra di Aruba of cierto puntonan cu nan no ta tene cuenta cu e otro partnernan den Reino. Mester bay hinca e parti di cultura y arte tambe den reunionnan , pa asina conoce mas tambe di cultura y asina tin mas aprecio pa e otro partner. Esey hopi biaha esey ta wordo aprecia.
En general, Sra. Wyatt- Ras ta hopi contento cu e ricibimento cu nan a haya na Corsou y ta spera cu e otro IPKO cual lo tuma luga na Juni, na Hulanda e intercambionan ta asina positivo. E presidente di Comision di Reino tambe lo duna su relato, e lo ta mas detaya.
Ampliando mas riba e reunion di Interparlamentair Koningrijksgechillen PKO, Sra. Mervin Wyatt- Ras, a splica tambe cu hopi biaha politiconan Hulandes y partnernan den Reino, hopi biaha ta reuni cu otro sin conoce otro. Hopi biaha “onbekend, maakt onbemind”. Esey pa Presidente di Parlamento di Aruba, Sra. Mervin Wyatt- Ras ta su punto di salida.
En general, Sra. Wyatt- Ras ta hopi contento cu e ricibimento cu nan a haya na Corsou y ta spera cu e otro IPKO cual lo tuma luga na Juni, na Hulanda e intercambionan ta asina positivo.
E presidente di Comision di Reino tambe lo duna su relato, e lo ta mas detaya.