Delegacion di Aruba cla pa reuni den Encuentro Interparlamentario

Den un entrevista cu Presidente di Parlamento di Aruba a puntr’e riba desaroyonan ultimo dianan den Parlamento cu tin den e dianan aki nos dilanti pa loke ta parlamento di Aruba. Dia 2 di maart un delegacion amplio lo ta bayendo Hulanda unda cu lo tuma lugar e Interparlamentair Overleg. Esaki ta un encuantro anual di e diferente Parlamentonan den Reino y tambe e diferente comisionnan.  Den e reunionan aki lo trata diferente topico di importancia. Por ehempel e topico di cooperacion riba diferente area. Tambe lo trata e topico di hubentud. Cada pais tin su reto pa loke ta trata e hobennan. Na Aruba lo mester bin un Integraal Jeugdbeleid unda cu tur instancia lo ta trahando hunto y ta enfoca riba e edadnan vulnerabel di 12 pa 18 anja. Esaki ta un edad unda hobennan ta hopi vulnerabel y ta wordo influencia hopi liher. Pues ta importante pa nan tin un bon base pa nan por haci escohencianan sano despues. Ta importante pa yega na un miho maneho pa asina yuda e hobennan y e intercambionan den e reunionan lo ta un bon comienso.

 
Hobennan ta importante pero awor aki falta un maneho integral pa yuda e hobennan. Tin instancianan caba cu ta haciendo bon trabou pero e maneho integral mester inclui mas instancia, por ehempel scolnan. Di e forma aki por yuda e hobennan bira mas sigur di nan mes y cu mas gana pa bai dilanti den bida.
Otro cos cu lo discuti na Hulanda, ta e geschillen commissie. Den pasado Parlamentonan a acorda un mocion na unda cu na momento cu tin diferencia riba interpretacion di Statuut, un comision lo tuma un desicion riba esaki. E geschillen commissie lo mester interpreta e Statuut y ainda e comision aki no t’ey pues Aruba lo follow up riba esaki.

 
Parlamentario Chris Dammers lo lidera e delegacion como Presdiente di Parlamento. Tambe e topico di salud lo bin dilanti. E comision di salud ta bou encargi di Parlamentario Mervin Wyatt Ras y nan lo enfoca riba con e paisnan lo por yega na centralisa cierto servicionan pa reduci gasto. Pa haci cierto checkeo tin bes mester bai den exterior y pues lo trata na jega na acuerdonan pa miho coperacion na costonan mas abou.