CARACAS, Venezuela- E deficit alimentario den e pais no ta duna señal di ta mehora. E falta di politica gubernamental pa resolve e desabestecimento di alimento, mediante e aumento di produccion agropecuario pa elimina e problema for di rais pa mediano y largo plaso, a contribui pa e deficiencianan alimentarioden e poblacion mas vulnerabel consolida su mes”, segun Maritza Landaeta, investigado di Fundacion Bengoa.
Cada biaha mas Venezolano, sin importa su status socioeconomico, ta comiendo for di barinan di sushi. Esaki ta un conducta cu a extende bou di e poblacion, mas y mas personanan bon bisti tambe ta haciendo esaki, cual ta un indicacion di e intensifacion di e hamber den e pais.
Landaeta a indica cu entre e factornan cu mas a perhudica e acceso na e poblacion ta e alimento di un dieta varia y balansa, inflacion ta mas cu ta destaca y e restriccion di e articulonan di e canasta alimentario basico. E excesivo control estatal a crea e presencia usual di loke ta wordo califica di un “hamber cronico”.
“Cada dia e deficit alimentario den e pais ta complica dia pa dia, pasobra cu nos a wak cu nan a tuma medidanan pa resolve e grave problema alimentario. Ya aki ta papia di hamber cronico, cu a cuminsa na 2012 y ta sigui den actualidad”, segun Landaeta.
E nutricionista a splica cu e hamber cronico ta bin ora cu un persona no tin acceso na rekerimentonan calorico minimo pa nan desaroyo integral y e fenomeno cu a extende na henter e poblacion, sin distingui edad, sexo of status economico.
“Tin un subconsumo di calorianan generalisa. Nan no ta wordo cubri pa rekerimentonan calorico. E dieta actual di e Venezolano ta basa ariba vet, cereal y batata. Cada bes tin menos acceso na proteina”.
El a indica tambe cu “personanan ta sacrificando nan cuminda diario. Un persona cu solamente dos cuminda diario ta imposibel pa e cubri tur e calorianan necesario cu e curpa mester. E ta perde no solamente peso, sino vet y masa muscular. Esaki ta altera e metabolismo y ta habri caminda pa malesanan cronico manera diabetis y presion, ademas di e stress cu e ta bin cun’e.
El a precisa cu den mucha y muhenan na estado di poco recurso, e daña ta compromete e desaroyo di e generacion nobo.
“Den e caso di e poblacion infantil, lechi a bira inaccesibel, cu ta un nutriente basico pa su desaroyo. Tin un retraso den e crecimento di e muchanan pa e avanse di desnutricion. Nan salud ta comprometi desde e concepcion pasobra cu e mama tambe ta padece di algun tipo di desnutricion. Hamber ta den nan DNA”, Landaeta a adverti.