MEXICO CITY, Mexico – E abogado di e narcotraficante Joaquin “El Chapo” Guzman, Jose Refugio Rodriguez, a splica cu e ta spera cu na Januari, e Corte Suprema di Husticia di e Nacion (SCNJ), ta atrae e huicio di extradicion di e capo, despues di un amparo no interponi dies dia pasa pa su defensa.
“Den e ultimo dianan di labor di e aña aki nos ta presenta un escrito dilanti di Suprema Corte pa esaki eherce e facultad di atraccion,” e letrado a señala, kende a agrega cu e ta spera cu ora cu e Supreo reinicia su tareanan, den e prome siman di Januari, e tuma un decision al respecto.
Segun el a splica, e abogadonan a presenta un amparo contra di e extradicion di e lider di e carterl di Sinaloa na e Corte Suprema, despues di presenta un “cuestion di convencionalidad” (verificacion di e conformidad di e normanan) cu a hiba un sentencia di amparo di e hues di districto.
Dicho sentencia a reconoce “cu no por resolve pasobra tabata e facultad di e Tribunal Superior” pa atende cuestionnan di convencionalidad di acuerdo cu su propio hurisprudencia.
E letrado a bisa di ta “asbolutamente confia” riba e atraccion di e caso di parti di SCJN cu, ademas, lo hiba na dilata e proceso, pues ta spera cu e estudio di e caso prolonga entre tres y seis luna, el a apunta.
“Nos ta hopi confia pasobra tin precedente cu ta establece asina y ta bisa cu e Suprema Corte kende tin cu resolve e conflictonan aki,” el a mustra.
Den declaracionnan na Radio Formula, Rodriguez a reitera cu Guzman tin cu wordo huzga na Mexico. “Nos ta wak luchando aki, na Mexico, pa su libertad,” el a bisa.
Tabata na final di November ora cu defensa a interpone na e tramite den recurso di revision contra di e decision di unhues cu a pidi pa frena e extradicion pa Merca.
E recurso aki di revision tabata e siguiente via pa sigui despues cu un hues nenga October ultimo e dos amparonan presenta pa e defensa di e narcotrafico pa frenta e extradicion, concedi pa e Secretaria di Relacionnan Exterior (SRE).
E capo ta afronta den Corte di Texas, cargonan pa asociacion delictiva, contra salud, delincencia organisa, posesion di arma, homicidio y labamento di placa.
Fuente: NTN 24