Debe mundial ta tres biaha mas grandi cu e produccion economico mundial

0

LONDON- E debe na nivel mundial a yega na un record di 226 biyon dollar, mas di tres biaha e produccion economico global anual y cada biaha e companianna tin problema pa cumpli cu nan prestamo, hustamente na momento cu banconan central ta prepara nan mes pa termina un era di politica monetario ultra expansivo.

E debe global awo ta ekivalente na 324 por ciento di e produccion economico anual di mundo, segun e Instituto Internacional di Finanzas (IFF) den un reporte publica diaranson. Loke ta destaca ta e risicionan, mas cu tur, ariba e mercadonan di emergencia cu debe den placa duro, manera euro y dollar.

IIF a destaca cu e aumento ta debi mayormente na e aumento di 3 biyon dollar den e nivelnan di debe di e economianan emergente, cu awo ta totalisa 59 biyon dollar.

E informa a calcula cu e economia emergente tin cu refinancia of duna bek rond di 1.7 biyon dollar prome cu fin di 2018. E debenan aki ta bira mas caro si e tasanan di interes di e paisnan occidental subi y nan divisa fortalece.

Mercadonan mundial lo ricibi confirmacion den e proximo dianan di cu ya no ta solamente Merca cu ta normalisando e tasanan di interes for di e nivelnan extraordinariamente abao introduci despues di e crisis di credito na 2009.

Banco Central Europeo diahuebs lo anuncia un recorte den su programa di estimulo di dos aña y mei y e Banco di Inglatera ta na caminda pa subi e tazanan di interes pa prome biaha den un decada, mientras cu FED parce di ta dirigi sumes pa su di tres aumento di tasa pa e aña aki.

E añanan di placa barata a hiba e mercadonan bursatil di mundo na maximonan historico sucesivo. Pero un efecto secundario tabata e crecemento explosivo di credito, mientras cu famiannan, companianan y gobierno a saca probecho di un di costonan hopi abao di debe.

Aunke cu e tiponan di interes di Merca ya ta subiendo, e expectativa di mas acompañamento pa e tendencia di ahusta e politica monetario na Europa tambe, a pone cu e costonan di e bononan di Tesoro Mericano di dos aña te na nuebe aña.

Fuente: http://lta.reuters.com/article/businessNews/idLTAKBN1CU2P9-OUSLB