Sr. Ernst Mohammed, di Camara di Comercio ta splica tocante e plannan cu tin pa e di dos debate politico.
Camara di Comercio ta contento cu e exposure cu nan a ricibi y Sr. Mohammed a duna gradicimento y un aplauso cu a sostene e debate aki. E debate tabata bon ricibi den pueblo, y nan a haya criticanan constructivo tambe. Y nan ta tuma esaki den evaluacion tambe. Camara ta bezig ta wak, despues ken ta registra y e comision ta bay sigui reuni pa wak con ta structura e di dos evento, cual lo bira un evento mas grandi y mas importante, ya cu e ta un paar di siman prome cu e eleccion. Ta bay ta un oportunidad pa e pueblo votado wak tur e lidernan, ken tin e miho plannan, y tambe pa e hobennan, cu ta bay consisti di un parti grandi di e pueblo votado, pa dunanan un chance pa wak kico nan tin.
Door cu Camara di Comercio a hayanan mes cu varios logistica y tur partido kier participa, pa cambia e debate pa algo mas informativo. Pero toch por a wak ken tin kico, segun Sr. Mohammed. Debate ta algo caminda cu dos persona ta purba splica nan mes. Pero aki, e pueblo mes kier a skucha e plataforma, unda nan por haya e miho bista, di kico, di cual partido y cual lider tin pa e proximo 4 añanan pa Aruba.
Pa e proximo debate, lo bay bek den seno di Camara di Comercio, caminda ta evaluando tur e feedback cu nan ta hayando y nan ta haya hopi feedback. Casi tur hende a wak e debate di Camara di Comercio y te ainda nan ta hayando feedback. Si mester enfatiza cu tur e feedback ta positivo. Asina nan a forma e prome debate cu a bay asina bon. Pesey ta skuchando tur e feedback, pa pone algo mucho mas miho ariba pia, e di dos biaha, segun Sr. Ernst Mohammed, di Camara di Comercio.