A base di e resultadonan na final di aña escolar, Departamento di Enseñansa ta traha un trend pa wak con e ta subi baha. Despues lo profundisa mes den esaki, pa cada scol, evalua nan resultadonan, e crecemento y e bahamento. Sra. Miriam Thiel, di Departamento di Enseñansa ta splica.
E pakico di e crecemento y e bahamento ainda mester wordo studia. E resultado estadistico ta wordo uza pa Aruba en general, pero tambe e ta wordo uza como referencia pa traha maneho. E parti di maneho tin cu bay duna e puntonan di bista pa sigui traha mas ariba nan, pa saca mas analisis pa saca cierto puntonan, cu no ta bin di biaha den e cuenta anual.
Si wak bon, tin hopi instancianan di gobierno ta bezig caba cu cierto investigacionann. TIn biaha DEA mes no ta haci un investigaicon ariba nan mes, pero conhuntamente cu otro departamentonan. No ta un instancia so ta haci esaki. Kisas no directamente DEA ta haci un investigacion, pero nan ta yudando un otro instancia, manera Directie Sociale Zaken. Tin varios instancia den gobierno cu ta bezig cu investigacion, cu ta link e informacion cu DEA tin cu nan informacion, pa saca un bista di loke gobierno tin.
IDIOMA
Hobennan di awendia ta hopi mas miho den tur otro idioma cu no ta e Hulandes. En realidad, nan ta expresa nan mes miho den Ingles. Pa esaki, DEA ta bezig cu proyecto di SAM (Scol Arubano Multilingual). Esey ta indica cu si un mucha sa su idioma bon, bo por switch na diferente otro idioma. Antes bo no tabata haya papiamento na scol, solamente Hulandes. Berdad cu muchanan ta papia mas ingles, pero e scol multilingual no ta papiamento so lo haya. Pero lo haya tur e otro idiomanan na e scol, pero e punto di salida ta papiamento. Pa esunnan cu ta di habla Hispano, lo tin un programa di incorporacion. Lo tin dos scol na Aruba, cu programa di incorporacion, manera PRISMA, cual ta e materia di duna les. Muchanan cu ta bin di afo ta keda un aña den basis y scol secundario. Den e scol nan ta haya Nederlands, Rekenen & Wereld Orientatie. Despeus di e aña ey, nan ta drenta of den un scol basico of un scol secundario.
Idioma ta un punto importante pa e hubentud. Pa e proximo añanan nos dilanti, Sra. Thiel a splica cu PSML (Proyecto Scolnan Multi-Lingual) a haci un estudio di e scolnan cu tabata tin. Den cuadro di e SAM (Scol Arubano Multi-Lingual) lo introduci esaki den e aña escolar 2020, den e scolnan preparatorio (kleuterschool). Asina Sra. Miriam Thiel, di Departamento di Enseñansa a splica.