DBZ semper ta pendiente pa cualkier caso di influenza

0

Dr. Maritza Ordoñez di Departamento di Salud Publico ta splica riba e tema di influenza.

Departamento di Malesanan Contagioso semper ta keda pendiente pa p.e. Na EHBO, dos of tres turista ta drenta cu e mesun sintomanan di influenza. Y hospital ta tuma contacto cu Departamento di Malesanan Contagioso y eynan na wak, si ta bin un aumento cu turista. Semper tin e choice cu un hende ta drenta cu griep, pero cu aworaki tin un aumento di influenza door di turista, no ta conoci.

Dr. Ordoñez a splica cu el a tuma contacto cu hospital, bisando cu si esey pasa, tuma contacto cu e Departamento. E ora lo por pone algun aviso na Airport, lo avisa turista kico lo tin di haci of cual ta e medida general cua medida por tuma pa nos poblacion.

Si acaso ta haya un aumento drastico, sigur sigur ta bay ayanan, lo duna e recomendacion pa Departamento di Aduana of Inmigracion ora di entrada di un crucero of di cualkier otro vuelo cu ta bin for di diferente otro pais. Si e recomendacion ta pa uza mascara of glove, pero esey no ta pasando akinan na Aruba aworaki.

Aruba semper ta keda haci e recomendacion, cu si un hende ta sali di Aruba, Departamento di Malesanan Contagioso, pero e turista no sa ki tipo di malesa tin afo, purba cu si bo a bin bek cu algun sintoma. Y bisa bo dokter cu bo tabata tal caminda, y cu awor bo ta presenta algun sintomanan. P.e., si e persona ta bin di Mali, Africa, Turkia, e ora por busca cual ta e malesanan cu tabata tin ayanan. Y esey ta vigilancia permanente.

E recomendacion ta cu bo mester cana semper cu algun gel, cu tin alcohol den dje, pa haci bo mannan limpi. Pero semper e recomendacion ta keda pa laba bo man frecuentemente. Kico ta frecuentemente? Entre 12 pa 20 pa dia. Si bo ta bay baño, bay pafo hunga. Den cualkier circumstancia, purba di laba bo mannan frecuentemente. Carga den bo tas, tene semper na man, algun gel desinfectante. Si bo ta na cas, purba di habri bentana, pa aire fresco pasa.

Uza cualkier producto pa haci limpi constantemente. Cualkier caminda cu bo ta mishi constantemente, durante dia, haci’e limpi. Otro ta, purba di no bay, aglomeracion di hende. Of si bo ta wak di un hende ta tosando. Keda leu di dje, segun Dr. Ordoñez. Si bo wak un persona cu ta niester constantemente, of ta tosa, keda leu.

Tambe, si e persona ta tosando pa mas di 15 dia, tuma contacto cu dokter di cas. Esey no ta virus. Corda ariba tuberculosis. Semper bay bo dokter di cas, for di prome instante.

E dokternan di cas ta na altura di esaki, ya cu Departamento di Malesanan Contagioso, semper ta haci charla hunto cu nan, cu cualkier pashent, cualkier persona cu ta tosando mas di 10 dia, incluso, segun Dr. Ordoñez. Un persona cu ta perdiendo peso, un persona cu no kier bay traha, un persona cu su curpa no ta completamente bon. Tuma contacto cu e dokter di cas y e dokter di cas, semper mester pensa cu algo no ta bon. Pensa semper ariba tuberculosis. Y e tubercolisis y asina tin e liña pa bay cana, e specialista ta bay haci algun test. Departamento di Malesanan Contagioso lo tuma algun test y si algo sali malo, e ora ta manda esaki directamente pa e specialista di pulmon.

Ta haya hendenan cu no ta gusta bay dokter, pero semper ta bon pa bay nan dokter. Kisas no ta tuberculosis. E por ta diferente otro malesa. E por ta comienso di un malesa cronico. Y e por ta malesa di duracion largo, segun Dr. Maritza Ordoñez, di Departamento di Malesanan Cronico.