ALABAMA, Merca- Diesdos aña despues di cu Natalee Holloway a disparce riba un biahe di graduacion pa Aruba, su tata ta spera cu’n reciente descubrimento lo trece un break grandi den e caso den kico a pasa su yiu muhe.
Dave Holloway y su investigador priva T.J. Ward a anuncia den e TODAY diaranson cu un investigacion di 18 luna a hibanan na descubri restonan humano cu a wordo manda pa haci test pa confirma si nan ta di Natalee.
Ora cu nos a determina cu e restonan aki tabata di un ser humano, mi tabata den shock”, Holloway a bisa Matt Lauer y Savannah Guthrie. “Mi ta kere cu tin posibilidad cu esaki por ta un otro persona y mi ta sperando pa haya confirmacion”.
Natalee a desaparece ariba e anochi di 30 di Mei, 2005 riba un biahe hunto cu su amigonan di scol despues di nan graduacion y te dia di awe su desaparicion ta un misterio.
E homber Hulandes, Joran van der Sloot tabata e ultimo persona cu cual Natalee a wordo mira p’afo di un bar popular mey mey di turistanan. Van der Sloot actualmente ta cera den un prizon na Peru, unda cu e ta sintando un castigo di 28 aña pa asesinato di e studiante Stefanie Flores.
Un informante conoci como “Gabriel” a pone Ward y Holloway den contacto cu’n homber kende ta bisa di tabata envolvi directamente cu e disparcion di Natalee.
Ward y Holloway lo aparece den e serie mas nobo di Oxygen, “The Disappearance of Natalee Holloway”, cu ta sigui e buskeda di Ward y Holloway.
E dosnan aki tabata biaha bay bin pa un luga no specifica patras di un cas na Aruba cu e informante a dunanan, y cobando a bin haya e restonan mortal cu despues di testnan haci a bin resulta di ta humano.
Pero tin varios version di loke a pasa. E ultimo version, prome cu esaki tabata ta, cu Joran hunto cu su tata, lo a hiba e curpa sin bida di Natalee pa un cas funerario pa e wordo crema. Ta apenas un paar di aña cu tin un crematorio na Aruba y tempo di e desaparcion di Natalee Holloway, ainda no tabata tin crematorio na Aruba.