ZWOLLE, Hulanda – E dato di e 504 pashentnan riba e afdeling di cirugia plastico di hospital Isala na Zwolle ta perdi. Ta trata aki di nombernan di pashent, nan number, datonan di nacemento y un cantidad di otro informacionnan medico.
E datonan aki tabata riba un laptop priva di un asistente y esaki a wordo horta. E hospital a denuncia e hecho aki na Autoriteit Persoonsgegevens.
Excusa
E asistent a duna keho na polis pa ladronicia. “Isala ta lamenta e incidente aki masha hopi mes, pasobra segun e maneho di privacy y informacion di Isala, no ta permiti pa e informacionnan pa ta poni riba un aparato priva,” segun e hospital.
Isala a brinda un carta di excusa na dicho pashentnan. E hospital a bin despues cu un declaracion con esaki lo a sosode y ki medidanan lo bay wordo tuma.
Fuente: RTL Nieuws