Despues di basta tambe Aruba a haya un torencial awasero. Esaki debi cu den nos region tabata pasa un tormenta tropical y cu despues a forma bira un Horcan di categoria dos pasando banda di Aruba.Tabata spera un awasero basta pisa pero toch asina mes Aruba no a haya suficiente awa pa por a yena damnan completo. Awa a cay riba full Aruba pero tampoco no di e mesun cantidad tur caminda. Segun nos por a tuma nota durante di nos unspeccion ta e parti Noord a haya mas awa cu otro barionan rond Aruba.
Departamento di Agricultura, Cria y Pesca Santa Rosa ta haci un apelacion pa ainda no haci uzo di e awa di Damnan. Esaki ta debi cu Santa Rosa hunto cu DESPA ta haciendo un analisacion di e awa pa asina esaki no trece ningun problema pa bo plantacion. Motibo di e analisacion aki ta pa controla e cantidad di salo cu kisas por tin den e away a cu ta despues di un periodo largo Aruba su Damnan a logra asina cantidad di awa. Asina cu nos tin tin e informacionnan aki bou di control lo anuncia na cunukeronan cu dicho dam ta bon pa haci uzo di e awa of no.
Tene cuenta cu awo e damnan tin awa y mayornan mester tira un bista pa e muchanan no bay hunga of landa aden. Sigur esaki por ta peligroso pa e muchanan cu durante siman aki ta cu vakantie. Mas ainda esnan cu ta bibando den cercania di dam.
Esnan cu kisas tin regenbak sigur no tin mucho problema paso bop or ta sigur cu e awa aki cu ta den bo regenbak ta bon y por uze riba bo matanan sin problema.
Na e momentonan aki mayoria dam tin suficiente awa pa asina servicio di entrega di awa di dam di parti di Santa Rosa por continua sigur pa un periodo.