Damnan ta un prioridad, ya cu e ta esencial pa e parti di entrega di awa na e cunukeronan. Nan ta bezig cu DOW y Departamento di Ssalubridad pa conscientisa riba e importancia di Dam. Sra. Nathaly Maduro di Departamento di Agricultura Cria y Pesca, Santa Rosa cu e desaroyo.
Awa di Dam ta hopi importante vooral pa agricultor y criadonan y pa motibo cu na Aruba ainda no por haci cierto test riba e awa. P’esey hopi biaha ta bira mas streng pa cuida e calidad di e damnan.
Santa Rosa a haci un assesment riba esaki pa wak e condicionnan cu nan tin caminda cu a tapa full un caminda porme cu yega na e dam di Daymari. Esaki ta lamentabel, pa cual a manda un ploeg pa bay ruim op e sushi.
Tambe ta duna elogio na e team di City Inspector ya cu nan ta dunando hopi cooperacion di nan banda, Mantene e damnan limpi ta keda un reto y tin cu bisa cu den comparacion cu añanan pasa, e dam nan ta relativamente limpi. Di un banda toch e secura tabata un beneficio ya cu na final di dia caminda cu por haci limpi den un bon manera.
Di otro banda ainda tin hende cu ta tira sushi of bestianan morto y esaki ta lo cual cu ta crea e bacterianan cu efecto riba agricultura y cria. Sta. Rosa kier haci enfasis na esunnan cu ta bin cu septic truck y ta basha slang usa pa pos septico den e damnan, cual no mag.
A base di esaki,a lanta un grupo di trabao chikito cu ta consisti di DESPA, ya cu nan e volksgezondheid como prioridad. Pero si ta contempla introduci un maneho mediante e sistema di stickersnan aki. Pero e concientizacion tambe ta importante.
No tur dia ta bay entrega awa na e cunukeronan anto esey y haci vooral den e ultimo añan cu a trece e negochi cu e trucknan di septick. Si ta hayando hopi peticion di e cunukeronan di awa mester ta mas conciente y si bay haci negoshi cu esaki, pero mester evita busca awa riba e trucknan septico.
Tambe kier bin cu un campaña riba tv pa mustra ora cu ta haya full un comunidad bira malo de cierto bacterianan kico por a pasa. Ainda esaki no a pasa, pero asina e hende por compronde ,pero si e cunukero haya awa di e trucknan septico, esaki por tin como concecuencia cu consumidor final ta infecta cu bacteria.
Productonan y berdura sin cushina, spinachi cu no ta wordo cushina tin un chance mas grandi ainda di contagia cu bacterianan y mester compronde e peliger aki. Alabes purba di bin cu boet na esun cu ta haci negoshi cu awa contamina, segun Sra. Nathaly Maduro di Departamento di Agricultura Cria y Pesca, Santa Rosa