Central ta dirigi patruya na “Naranja Bar den Orange Plaza pa un hende cu lo tabata envolvi den un pelea caminda cu el a haya un kap na su cabes. Na e sitio a topa un dama cu tabata tin sanger na su cabes. E muhe a bisa cu e yama STGA, a declara cu e tabata sinta den e bar y dado momento a surgi un problema cu un otro dama kende tabata sinta banda di dje, cu e consecuencia cu e otro dama a kibra un boter riba su cabes. Pesey el a haya un kap na su cabes. El a sigui bisa cu e tabata hunto cu e cabayero CAMP, hunto cu dos otro hende muhe, GA y GG. nan a declara cu ora cu nan a bay defende STGA, dos otro homber cu tabata hunto cu un dama desconoci, kier a batinan. Polis a papia cu CAMP, GA y GG. nan a declara cu nan a wordo bati pa e dos hombernan. GG a declara cu door di e golpinan el a haya lip hincha, herida na su nanishi y cara. GG a sigui bisa cu el a wordo gedal na su cara y pesey el a haya un wowo blauw.
Un hende muhe kende a bisa cu e yama ALCB, a declara cu e no tabata sa con e problema a cuminsa, pero cu GA a sigui filma despues di e pelea, pasobra cu e ta un famia di e causante, un prima cu lo tabata envolvi, segun e victimanan. Ambulance a bin na e sitio. GG no kier a bay cu ambulance pa ricibi ayudo medico. E mes lo bay dokter si e ta haya ta necesario. El a wordo conseha pa bay duna keho na recherche.
Riba dje, e permiso di e bar cu e pelea a tuma luga a wordo controla. E encargado di e bar no tabata tin vergunning vigente y e bar a wordo cera pa polis.