Un caso serio di maltrato cu a tuma luga e aña aki na Maart ta keto pa autoridad unda cu te dia di awe no a haci detencion di e agresor ta trata di un dama Polis cu a comete e acto aki casi pa mata su casa cu ta un hende muhe tambe.
Ta trata di un persona femenino N.Hazzel cu ta un ambtenaar te ainda bou di e capa di Cuerpo Policial pero for di December 2014 no ta trahando te cu awe na 2017.
Ta conoci cu despues di e caso cu a bin haya e dama aki sin paña benta laga atras na Engelandstraat na December 2014 unda a detene dos cabayero. Pero den e temporada e dama aki cu ta Polis ainda pero na cas a subi un yate caminda tabatin un afterparty feroz unda a schors varios polis ora cu un video a bay viral y e dama aki tambe tabata den e yate gosando.
Den luna di Maart 2017 despues di un trip e dama N.Hassel a bringa formalmente cu su casa cu ta un hende muhe Venezolano. Tabata un pelea formal ora cu e dama N.Hassel a ranca su pareha su cabey for di cabes bati e dama formalmente, y e dama Venezolano como victima a bay entrega keho na warda. Pero polisnan a baha e dama bek na cas y aki e maltrato a sigui.
E dama a core for di cas pa no keda maltrata y a aserca fundacion di Hende Muhe pidiendo ayudo unda el a keda bati formalmente te asta cabey ranca for di su cabes, ta loke cu e dama Polis a haci cune. Tin un keho na autoridad, pero e dama agresor Polis, ambtenaar ta den libertad ainda. Polisnan cu a brinda asistencia na e dama tabata cla pa yuda e dama pa tuma e denuncia y e dama tabata kier pa polis bahe na cas y pa e dama H, saca su pañanan for di cas pero H no tabata na cas e momento ey, pero tur cos a bolter unda e dama kier entrega keho cu Polis no a yude.
Na November 2016, Procurador Genera di Aruba Van Dam a comenta cu violencia domestio ta inaceptabel unda sospechosonan no mag di sali liber tampoco, esaki ta despues di un encuentro cu Fundacion pa hende muher den dificultad. Click aki pa lesa e noticia
Ta trata di un denuncia publico cu redaccion a haya di esnan cerca di e victima, y confirma cerca di instancianan di Gobierno.
Masnoticia.com no ta contra e maneho di Cuerpo Policial pero husticia tin cu ta un solo midi y haci e trabounan mas lihe pa ora tin casonan di maltrato asina unda tur hende cu comete un delito tin cu para pa su actonan, si no tin personal pa yuda resolve tur caso e ora mester busca mas personal pa asina brinda e calidad di servicio na comunidad.