Polis maritimo tabata haciendo nan control riba lama na altura di Boca Catalina, den cuadro di supervision durante e temporada di campamento, ora cu dado momento nan a wordo yama pa un hoben, kende na e momento ey tabata riba un yate, y a informa polis cu un dama, kende tambe tabata riba e yate, tabata keha di hopi dolor y alabes no por a move. Den cuadro di esaki, polis a subi e yate pa controla un ke otro. En berdad nan a topa cu e dama, kende tabata tin dolor na su schouder robes y parti di su pecho. Mirando cu polis no por a mara BP2 na e costa di Boca Catalina debi na e oleahe, a dicidi di laga e victima sinta den e boto di polis y hib’e na e pier mas cercano cu ta Hadicurari. Centralista a wordo poni na altura y a pidie pa yama ambulance pa presenta na e sitio. Na pier, ya personal di ambulance tabata eynan caba, caminda cu nan a transport’e pa hospital pa mas tratamento medico.