Na warda di polis ta yega e dama D.C., cu a entrega denuncia di ladronicia. E ta declara cu e tabata para na e parada di bus na altura di Club Arias na Savaneta, pra cu un homber desconoci p’e, a purba bay cu su tas. El a purba resisti, pero e homber a scop’e na su lomba. Door di esaki el a laga e tas los y e desconoci a logra bay cu su tas.
El a core bay direccion pariba den Generaal Majoor de Bruynewijk y a benta e tas ariba vloer. D.C. a perde for di bista. El a coy su tas di abao y el a ripara cu su cartera y un map tabata falta for di su tas. E ladron tabata un persona color skur, delega y halto. A tuma su denuncia y a pone e Chef van Dienst na altura di esaki.