HONG KONG – Dalian Wanda Group a bisa cu nan lo bende nan proyectonan Chines di Turismo y hotel na Sunac China pa 9.3 mil miyon di dollar, loke ta marca un alehamento di e gigante di real estate di su amcicionnan di parkenan tematico.
Sin embargo, ta spera cu e benta – e di dos acuerdo di real estate mas grandi te na e fecha, segun datonan di Reuters – ta yuda Wanda recorta su debenan y reforsa su argumento na fabor di un salida na e bolsa den e continente depsues cu el a retira di Hong Kong aña pasa.
Wanda a bisa cu e lo bende e 91 porciento di su 13 proyectonan di turismo cultural, cu tipicamente ta inclui parkenan tematico y complehonan recreativo, hunto cu 76 hotel na e promotor di real estate Tianjin Sunac pa un total di 63.180 miyon di Yuan.
E grupo Chines, cu negoshi den real estate, cine, deporte y entretenimento, tabata tin plan pa construi por lo menos 20 proyecto cultural di e tipo aki na China. Su propietario, e multimiyonario, Wang Jianlin, a bisa cu aña pasa cu su grupo di parke lo supera su rival Mericano Walt Disney Co.
“Esaki ta nifica un retroceso di e strategia anterior di Wanda den turismo cultural y ta marca un punto di inflexion pa un stratega liviano di activo,” Qin Gang, investigador principal di e State Information Center, un centro di estudionan vincula na Gobierno, a bisa.
Fuente: www.reuters.com