TAWANG, India – Dalai Lama pa e aña aki lo bay papia cu e alto monhenan Budista riba su sucesion. E lider spiritual a bisa diasabra na India cu ta keda na e Tibetanonan pa dicidi si su posicion mester keda existi.
“Si hende tin e sentimento cu e instituto aki no ta relevante mas, e ora e ta stop automaticamente di existi,” e Dalai Lama di 82 aña a bisa durante un conferencia di prensa na Tawang. Pesey e kier discuti caba riba e pregunta si lo bay bin un Dalai Lama nobo.
China, cu tin un man riba Tibet, ta haya cu e tradicion mester gewoon sigui y cu Peking tin e derecho pa por keur e siguido di e Dalai Lama. E Budistanan Tibetano ta kere cu e lamanan importante despues di nan morto ta reencarna. Nan ta bin bek como mucha.
E lidernan comunista ta mirando e Dalai Lama como un separatista peligroso. E lider spiritual ta biba actualmente na India, caminda cu su siguidonan tin un gobierno chikito den exilio. E Dalai Lama a sugeri na anteriormente, cu e por ta e ultimo.
Fuente: ANP