DEN HAAG – PvdA y D66 kier pa dentro di e proximo cuater añanan, biyones di Euro wordo inverti den enseñansa. PvdA kier pa inverti 5 biyon di Euro, mientras cu pa D66, e bay pa 4.5 biyon Euro. Esaki ta loke nan a informa dialuna.
E socialdemocratanan kier aumenta e salario di e docente den enseñansa basico- y avansa y baha e presion di trabao, pa cuminsa den e barionan social.
D66 kier pa mita di e placa wordo uza pa klasnan mas chikito y mas docente. Un klas mester por carga maximo 24 mucha. “Como un tata mi ta mira kico un klas grandi ta nifica pa mucha y docente,” segun lider di D66, Alexander Pechtold.
Ambos partido kier evita mas retraso den idioma door di duna tur mucha entre dos y cuater e derecho riba educacion trempan. D66 kier pa inverti aki 160 miyon.
Tambe nan kier pa den universidad un segundo estudio bira mas economico. Ambos partido tambe kier pa inverti mas den investigacionnan fundamental.
Fuente: ANP