Sra. Cristina Lampe, lider di partido CURPA lo forma parti di e ultimo debate di Camara di Comercio, cual lo tuma luga dia 17 di Augustus proximo. Sra. Lampe a gradici presidente di Camara di Comercio, Sr. Mohammed y su team cu ta organisa e debate pa e invitacion.. E debate aki ta uno sumamente interesante, como cu e ta e ultimo debate di KvK.
Ta conoci caba pakico Sra. Lampe no a participa den e prome debate. Pero e biaha aki, el a ricibi e invitacion y a acepta esaki. Como lider di e partido politico, CURPA, e kier pa tin un direccion nobo aki na Aruba. Un direccion nobo cu ta trece felicidad pa e pueblo. Pasobra na e momentonan aki, e pueblo ta sufriendo na diferente manera. Y CURPA kier tambe forma parti, haya e oportunidad pa forma parti di e gobierno y parlamento, pa asina nan por ta parti di conkista e felicidad pa e pueblo aki.
Sra. Lampe ta conta ariba e apoyo di e pueblo di Aruba. Por ultimo Sra. Lampe a gradici tur esunnan cu di un of otro forma a dunanan e steun di e firmanan.