TOKYO, Japon- Un destructor di e Armada di Merca a dal contra di un bargo di carga Filipino den awanan teritorial di Japon. E accidente aki a laga shete marino Mericano morto y dos herida.
E accidente, entre e USS Fitzgerald y e bargo di carga Filipino ACX Crystal y a tuma luga na 103 km zuid-oost di e Yokosuka, sede di e di VII Flota.
Door di e accidente, e USS Fitzgerald a sufri dañonan cu a causa inundacion. E tripulacion ta respondiendo na e situacion:, segun e comando di Pacifico di Merca a bisa den un comunicado.
Warda Costa di Japon a informa cu, ademas di e shete marinonan morto, kende nan curpa a wordo haya diadomingo despues di tabata perdi pa varios hora, e accidente a laga tres herido tambe cu a wordo traslada pa un hospital, entrenan e comandante di e destructor Mericano, Bryce Benson.
“Segun tin mas informacion, nos lo comparti esaki cu e famia di e Fitzgerald, y na su momento, cu e publico”, segun e almirante John Richardson, hefe di Operacion Naval di Marina.
Dos barco y un helicopter di Japon a wordo manda pa apoya e navio Mericano.
Segun informenan, e barco tabata den peliger inminente pero danki na e esfuersonan heroico di e tripulacion cu a salba e barco di sink.
“E tripulacion a lucha hopi duro pa mantene e barco a flote”, e Almirante a bisa.
E destructor Mericano di 10 mil ton y e ACX Crystal, un barco di carga di 29 mil ton, bandera Filipino, a dal den otro diasabra cerca di e Peninsula di Izu, Japon. Esaki ta un area hopi transcuri pa trafico maritimo, cu 400 pa 500 barco crusando e lama aki riba un base diario.